Қидирув

от 1. физ. Механиканинг энг муҳим физикавий хоссаларидан бири; материя (жисм)нинг инертлик ва гравитацион хоссаларини ифодалайдиган физик катталик.

Масса билан бир қаторда энергия ҳам физика фанининг асосий тушунчаларидандир. — Фан ва турмуш

2. махс. Яхлит ёки бўтқасимон жисм ёки модда.

Амударё суви лойқа. У каналдан оқа бошлагач, унга лойқа ўтириб, берч массага айланади. — Газетадан

Муз массасининг қалинлиги аниқроқ ўлчанди. — Газетадан

от Тана ёки бирор аъзога даво ёки гигиеник мақсадда махсус усулда механик таъсир этиш (силаш, уқалаш, ийлаш, қоқиб қўйиш каби усуллар билан амалга оширилади).

Тўрт гуруҳнинг ҳар қайсисида алоҳида врачлар, массаж кабинетлари мавжуд. — Газетадан

Шунингдек, массаж муолажаси, шапатилаш баъзиларга оғриқли туюлса, бошқаларга малҳамдек туюлади. — Фан ва турмуш

сфт. Маълум вазнга эга; вазнли.

от Массаж қилувчи ходим.

Ажойиб массажчимиз бор. Қўл-оёғингизни уқалаб ҳам қўяди, қушдек енгил бўлиб чиқасиз. — Х. Тўхтабоев, Ширин қовунлар мамлакати

фл. Массажламоқ феълининг орттирма нисбати.

Модда таркибига кирувчи атом, молекула ёки ион массалари қийматининг мажмуи.