Нуклеин кислоталар — нуклеотидлардан ташкил топган юқори молекулали органик бирикмалар. Тирик организмларда ирсий белгиларни сақлайди ва оқсил биосинтезида иштирок этади. Айрим нуклеин кислоталар ферментатив фаолликка эга. Тирик организмнинг барча ҳужайраларида учрайди. Уларнинг макромолекулалари бир ёки қўш полимер занжирдан иборат бўлиб, мономер нуклеотидлардан ташкил топган.