Darvinizm — Ch. Darvin taʼlimotiga asoslangan, organik dunyo rivojlanishining umumiy qonuniyatlari haqidagi nazariya. Shunga koʻra, evolyutsiya asosan oʻzgaruvchanlik, irsiyat va tabiiy tanlanishning oʻzaro taʼsiri natijasida amalga oshadi. Yangi belgi va xususiyatlar asosan oʻzgaruvchanlik tufayli vujudga keladi. Irsiyat uni mustahkamlaydi, tabiiy tanlanishda esa sharoitga moslasha olmagan organizmlar nobud boʻladi va nihoyat yangi turlar shakllanadi.