Hayot Foundation лойиҳаси
Лойиҳа ҳақида
Ўз
Ўз

Қидирув

«зириллат» бўйича 46 та натижа: Луғатлар

Филтр
Бўлим
Луғатлар Шевалар
Луғат тури
Изоҳли Таржима Терминологик
Тилдан
Ўзбекча Инглизча Туркча
Тилга
Ўзбекча Русча Инглизча Қорақалпоқча Немисча Франсузча Арабча Туркча

Луғат мақолалари

46 та
зир
Изоҳли луғат · яна 3 та луғатда

рвш. Иш-ҳаракатнинг тез, чақ-қон бажарилишини, қайта-қайта амалга ошишини билдирадиган сўз.

Хизматкор хотин зир югуриб, чой тайёрларди. — Мирмуҳсин, Умид

Меҳмонларга ҳали у, ҳали буни ташиб, ташқари ҳовли билан ичкари ҳовли ўртасида зир югурдим. — П. Турсун, Ўқитувчи

Наҳотки икки йилдан бери бир бечорани зир қатнатиб овора қилсалар, Тошкент қишлоғи билан Марғилоннинг ораси озгина ёʻлми ахир? — А. Қодирий, Ўтган кунлар

  • Зир титрамоқ 1. Совуқдан, қўрқув ёки ҳаяжондан қаттиқ қалтирамоқ. Зир титра-дим, бир қўрқдимки, нафасларим бўғилиб кетди. — Ойбек, Нур қидирибЗумрад зир титраб, ҳамма уйни айланиб чиқди. — С. Сиёев, Отлиқ аёлУ мендан зир титрайди.Такяхона эшиги ичкаридан тарс-тарс урилди. Эшони судур зир титради. — Ш. Холмирзаев, Қил кўприк
  • Юраги зир этмоқ Юраги шув этмоқ, юраги гуп-гуп уриб кетмоқ. Танти-бойваччанинг юраги зир этиб кетди. — Ойбек, Танланган асарлар
Тўлиқ мақола →
зирилламоқ
Изоҳли луғат · яна 4 та луғатда

фл. 1. Ларзага келмоқ, титрамоқ. Момақалдироқдан деразалар зириллади.

Узоқдан самолётларнинг гувуллаши эшитилди. Ер ва ҳаво зириллади. — З. Фатхуллин, Сўнмас юлдуз

Синфимиз болалар кулгисидан зириллаб кетди. — Т. Мурод, От кишнаган оқшом

2. кўчма Жуда қўрқмоқ, ҳайиқмоқ.

Уста Маҳкамнинг кичик қизи Инобат маҳмадонагина чиққан. Келин аялари ҳам, опалари ҳам ундан зириллаб туришади. — С. Аҳмад, Асарлар

Моҳидил ҳам акасининг ўжарлигидан зириллаб турарди. — С. Зуннунова, Гўдак ҳиди

3. айн. Безангламоқ.

Мажлисларда кимнинг камчилиги бўлса, [Асрора] шартта юзига айтаверарди. Ундан раис ҳам ҳайиқарди. Қизлар-ку зириллашарди. — С. Аҳмад, Уфқ

  • Юраги зирилламоқ Кучли даражада қўрқмоқ. Унинг [Муқаддамнинг] қадам босишга мажоли қолмаган, ичкарига кириши биланоқ пичоқ кўтариб турган дадасига рўпара бўладигандай, юраги зирилларди. — Ў. Ҳошимов, Қалбингга қулоқ сол
Тўлиқ мақола →
зира
Изоҳли луғат · яна 5 та луғатда

от Зирадошлар оиласига мансуб кўп йиллик хушбўй зиравор ўсимлик ва унинг овқатга ишлатиладиган уруғи.

Садаф хушбўй зира солинган шавлани чолга суриб қўйди. — Ш. Холмирзаев, Бодом қишда гуллади

Чошнигир аёл олтин лаганда зира ҳиди келаётган кабоб кўтариб кирди. — П. Қодиров, Юлдузли тунлар

Тўлиқ мақола →
зирҳ
Изоҳли луғат · яна 4 та луғатда

от Ҳарбий кема, танк ва шу кабиларнинг ўқ ўтмайдиган темир (пўлат) қопламаси; брон.

Гоҳ кунлари чўл шамоли чинқириб келиб, азамат экскаваторнинг зирҳларига, ғилдиракларига урилади. — Ш. Ғуломов, Қалб ундайди

Тўлиқ мақола →
зирк
Изоҳли луғат · яна 3 та луғатда

от Тоғларда ўсадиган кўп йиллик тиканли бута ва унинг ҳосили.

Яна ёʻл. Тоғ-тош. Харсангларга қапишиб ўсган зирк. — Газетадан

Аваз билан Ҳулкар юқоридан шилдираб тушаётган тиниқ сув бўйида, арча билан айқашиб ўсган зирк тагида ўтириб овқатланишар эди. — П. Қодиров, Қора кўзлар

Зира, зирк солинган хушбўй паловнинг Бир чимдими ҳозир қилди хумори. — С. Зуннунова, Соғиниш

Тўлиқ мақола →

Ҳаммасини кўриш · 46 →