ot 1. Kishining butun borligʻi, joni-tani; aʼzoyi badan.
Xoʻjabekov boʻm-boʻsh koʻchada yakka oʻzi. Butun vujudi asabiy titraydi. — S. Anorboyev, Oqsoy
Ota dom-daraksiz ketgan yolgʻiz oʻgʻli Razzoqni eslab, butun vujudida allaqanday bir holsizlik sezdi. — H. Gʻulom, Mashʼal
U qop-qora, qotma, vujudi pay bir yigit boʻlib, aftidan yoshini chamalash qiyin edi. — A. Qahhor, Qoʻshchinor chiroqlari
2. koʻchma Odam, shaxs, zot.
[Otabek:] — Sizmi, Kumush? — deb soʻradi. [Kumush:] — Men, men! — Bu savol-javob ila ikki vujudning hamma hasratlari, alamlari bir-birlariga anglashilgan edi. — A. Qodiriy, Oʻtgan kunlar
3. Umuman, jonli va jonsiz narsalarning borligʻi, jismi.
Jamiki mavjudotning vujudida ham tebranma harakatni koʻramiz. — Fan va turmush
- Butun vujudi bilan Bor (tamomi) imkoniyati, diqqat-eʼtiborini ishga solib. Mana shu baxtiyor kunlarni xalqimiz oʻzining qoni bilan, joni bilan, butun vujudi bilan himoya qilgan. — E. Raimov, Ajab qishloqUstoz gaplarini tushunib olish uchun butun vujudim bilan tinglardim. — N. Safarov, Olovli izlarSaidqosim oʻrinbosarlik ishiga butun vujudi bilan kirishdi. — Oʻzbekiston qoʻriqlari
- Vujudga kelmoq Dunyoga kelmoq, yuzaga kelmoq, yaralmoq. Uning [Botiralining] hisobicha, shu poyonsiz toʻqayning oʻzida bir necha yangi qishloq vujudga kelishi mumkin. — H. Gʻulom, MashʼalNon qanchadan-qancha kishilarning halol mehnati bilan vujudga keladi. — Gazetadan