Qidiruv

ot bnk. Oq tol gʻoʻlalaridan bir tomoni yassi, ikkinchi tomoni doʻng qilib tayyorlanadigan, imoratning toʻsinlari ustiga zich qilib koʻndalang teriladigan kalta tayoqcha; toqi.

Vassa oʻrniga orasini ochiq-ochiq qilib egri-bugri tarasha terilgan pastakkina qorongʻi choyxonada samovarchi choynakka yangi choy damlab olib keldi. — Sh. Rizo, Qor yogʻdi — izlar bosildi

Qurbon shiftga, vassalarni koʻrmay, tikildi. — Sh. Xolmirzayev, Qil koʻprik

ot 1. Oʻrta asrlarda: Gʻarbiy Yevropada yirik feodalga undan yer-suv inʼom olgani uchun tobe boʻlgan kichikroq feodal.

2. Boʻysundirilgan, tobe odam yoki davlat.

Vassal davlat.

Amudaryoning oʻng qirgʻogʻidagi Toʻrtkoʻl, Shoboz, Nukus shaharlaridan tortib to Orol dengiziga qadar Rossiyaga oʻtgan, Xiva xonligi esa oqpodshoning vassaliga aylantirilgan edi. — J. Sharipov, Xorazm

und. s. 1. Gap tamom, gap shu, boshqa gap yoʻq, boshqa gap boʻlishi mumkin emas.

Boʻlgan voqea shuki, meni ot opqochdi Vassalom! — Mirmuhsin, Meʼmor

Oʻzingni garovga qoʻyib boʻlsa ham yakan topasan, vassalom! — J. Abdullaxonov, Toʻfon

2. Shuning oʻzi kifoya; boʻldi, tamom.

Orqasidan bir tosh yumalatib yuborsang, vassalom, tosh oʻz ishini qiladi. — Shuhrat, Shinelli yillar

ot bnk. Toʻsinlari ustiga zich qilib vassa terib qurilgan.

Vassajuft imorat.

Erinmay, ustunlariga naqsh solibdi, koʻchma qiroatxonaning kitoblari uchun javon yasabdi, shipini vassajuft qilib, qadimgi boʻyoqlarda bezabdi. — I. Rahim, Hilola

Maqbara yonidagi koʻhna, vassajuft shiftli masjidda asr namozi oʻqildi. — X. Sultonov, Boburiynoma

ot Qaramlik, qarashlilik.

Avaz tikka kirib, Feruzga qaradi. U oʻz oʻrnida, egnida yashil movut toʻn, yelkalarida generallik rutbasini bildiruvchi nishonlar, koʻkragida oqpodshoga vassallik timsoli — koʻk shoyi tasma qiyshiq tashlangan. — S. Siyoyev, Avaz