фл. 1. айн. Сепмоқ 1, 2.
Уруғ сочмоқ. Ёʻлларга қум сочмоқ. Ҳовлига сув сочмоқ. Арпа сочсанг, арпа ўрасан. — Мақол
Тер тўкиб сочсанг уруғ, Ер сени қўймас қуруқ. — Мақол
2. Ҳар ён-ҳар ёнга тарқатиб ташламоқ, паришон қилмоқ.
Бошидан гул сочмоқ.
Улардан сал тепада, бархан устида йиртилиб, таги кўчиб кетган бир пой ботинка, ундан нарида оғзи очиқ, бўм-бўш рюкзак ётар, унинг ичидаги нарсалар атрофга сочиб ташланган эди. — М. Мансуров, Ёмби
3. кўчма Тарқатиб юбормоқ, қочирмоқ.
Нормат, унинг хаёлини сочиб юбормаслик учун, ўз ўрнига чўзилди-да, анча вақт ўй суриб, ниҳоят ухлаб қолди. — И. Раҳим, Чин муҳаббат
4. Тарқатмоқ, ёймоқ.
Узунчоқ омборнинг тўрида йигирма бешинчи лампочка хира нур сочади. — Н. Аминов, Қаҳқаҳа
Ёз Июнь қуёши кўкдан заррин нур сочади. — Саодат
5. Тарамоқ, ёймоқ, тўкмоқ.
Хилма-хил гуллар хушбўй ҳид сочиб, бўстонни яшнатиб турар, шишадек тиниқ сувлар шилдираб оқиб ётар экан. — Чалпак ёққан кун
6. Бирор ўлчовда, меъёрда тақсимлаб тарқатмоқ, солмоқ.
Харажатни ҳаммага баравар сочмоқ.
Қарорим шундан иборатдирким, эртадан бошлаб юртга ўттиз икки тангадан солиқ сочасиз! — А. Қодирий, Ўтган кунлар
- Заҳрини сочмоқ — Нима дейман? — хотинига заҳрини сочди Малик муаллим. — Бор гапни ўзбекча қилиб тушунтирдим-ку сенга. — А. Кўчимов, Ҳалқа