Qidiruv

1. Sifatini, yaroqliligini aniqlash uchun oʻtkaziladigan tekshirish.SINAV

2. Bilimini aniqlash uchun oʻtkaziladigan tekshirish; imtihon.

fl. 1. Sinovdan oʻtkazmoq, tekshirmoq, tekshirib koʻrmoq.

Tayyor mashinalarni sinamoq. Sinamagan otning sirtidan oʻtma. — Maqol

Er yigitni maydonda sina. — Maqol

U [Aziz Abdurazzoq] faqat sheʼr yozib qolmay, nasriy hajvchilikda ham kuchini sinamoqda. — Mushtum

Shildir-shildir qamishga sirgʻam tushdi, yor-yor, Sinalmagan yigitga singlim tushdi, yor-yor. — Oq olma, qizil olma

2. Bir predmetni (masalan, dorini, taomni) ishlatib koʻrib yoki isteʼmol qilib, taʼsirini aniqlamoq.

Tohirjon kinoya bilan jilmaydi: — Barcha dorini sinadim. Meniki bedavo dard. — Oybek, Tanlangan asarlar

3. Imtihon qilib, bilim darajasini aniqlamoq.

Oʻquvchilarni fizikadan sinab koʻrmoq.

4. Oʻsmoqchilab soʻramoq, qoʻyniga qoʻl solmoq.

Uning [Hotamning] saxiyligi rostmi, yolgʻonmi — sinash maqsadida, bir-ikki odam oʻsha tulporni soʻrab, oldiga borishibdi. — Shukrullo, Javohirlar sandigʻi

5. Boshidan kechirmoq, oʻz tajribasida, hayotida koʻrib bilmoq.

Qarzga yoʻliqqandan koʻra, baloyi nogahonga yoʻliqqan yaxshi. Hammasini sinadik. — Oybek, Tanlangan asarlar

Sinasin oʻz baxtini, Baxti qoʻllasin uni. — H. Olimjon

oʻzbekchasinamoq, tekshirmoqruschaпроверятьinglizchatest

Sïnamiš kišining bišïy ol iši Tajribali (sinalgan) kishining ishi ham puxta bo‘ladi – У опытного человека дела в порядке (закончены) – An experienced person’s affairs is punctual (completed)

sft. Sinovi bor, sinovdan iborat boʻlgan.

ot 1. Sinamoq feʼlidan sifatdosh.

Kampir sinovchi koʻzlari bilan yigitga uzoq tikildi, boshini ohista chayqab, soʻng yengil bir xoʻrsinib dedi — Oybek, Tanlangan asarlar

2. Maxsus sinovdan oʻtkazuvchi mutaxassis.

Sinovchi uchuvchi.

3. ayn. Sinovchan.

Maxdum unga sinovchi nazar bilan tikilib turardi. — M. Ismoiliy, Fargʻona tong otguncha

sft. Biror holatga, voqea-hodisaga zimdan nazar tashlaydigan, razm soladigan, bilib olishga intiladigan.

Obid Yoʻldoshevich bu tabrikning qanchalik samimiyligini bilmoqchi boʻlganday, Muhammad-jonga sinovchan nazar bilan tikilib, rahmat aytdi. — P. Qodirov, Uch ildiz

Toʻladan kelgan xushsurat odam oq oralab qolgan qalin sochlarini silab, Matlubaga sinovchan tikilib oʻtirardi. — O. Yoqubov, Izlayman