Qidiruv

fl. 1. Sinovdan oʻtkazmoq, tekshirmoq, tekshirib koʻrmoq.

Tayyor mashinalarni sinamoq. Sinamagan otning sirtidan oʻtma. — Maqol

Er yigitni maydonda sina. — Maqol

U [Aziz Abdurazzoq] faqat sheʼr yozib qolmay, nasriy hajvchilikda ham kuchini sinamoqda. — Mushtum

Shildir-shildir qamishga sirgʻam tushdi, yor-yor, Sinalmagan yigitga singlim tushdi, yor-yor. — Oq olma, qizil olma

2. Bir predmetni (masalan, dorini, taomni) ishlatib koʻrib yoki isteʼmol qilib, taʼsirini aniqlamoq.

Tohirjon kinoya bilan jilmaydi: — Barcha dorini sinadim. Meniki bedavo dard. — Oybek, Tanlangan asarlar

3. Imtihon qilib, bilim darajasini aniqlamoq.

Oʻquvchilarni fizikadan sinab koʻrmoq.

4. Oʻsmoqchilab soʻramoq, qoʻyniga qoʻl solmoq.

Uning [Hotamning] saxiyligi rostmi, yolgʻonmi — sinash maqsadida, bir-ikki odam oʻsha tulporni soʻrab, oldiga borishibdi. — Shukrullo, Javohirlar sandigʻi

5. Boshidan kechirmoq, oʻz tajribasida, hayotida koʻrib bilmoq.

Qarzga yoʻliqqandan koʻra, baloyi nogahonga yoʻliqqan yaxshi. Hammasini sinadik. — Oybek, Tanlangan asarlar

Sinasin oʻz baxtini, Baxti qoʻllasin uni. — H. Olimjon

oʻzbekchasinamoq, tekshirmoqruschaпроверятьinglizchatest

Sïnamiš kišining bišïy ol iši Tajribali (sinalgan) kishining ishi ham puxta bo‘ladi – У опытного человека дела в порядке (закончены) – An experienced person’s affairs is punctual (completed)

fl. 1. Sinamoq feʼlining birgalik nisbati.

Ular mehmonni xoʻp sinashdi.

[Qudrat:] Hozircha men siz bilan baxt sinashib koʻrmoqchiman. — N. Safarov, Uygʻonish

2. Oʻzaro bir-birini sinamoq, bir-birining xislat-fazilatlarini yaqindan oʻrganmoq, sinashta boʻlmoq.

Hamma fikr-u zikri, butun borligʻi bilan keng davrada kuch sinashib yurgan ikki zoʻr polvonga tikilib qolgan edi. — M. Ismoiliy, Fargʻona tong otguncha.

ot 1. Yaxshi sinalgan, tekshirilgan, tanish, qadrdon, yaqin.

Qorovul sinashta edi, itoatkorona bosh egdi: — Tushundim, xoʻjayin. — S. Siyoyev, Otliq ayol

Poshshoxon savdoni sinashta kishilar orqali zimdan amalga oshiradigan yoʻlni topdi. — D. Nuriy, Osmon ustuni

2. Boshidan kechirilgan, sinab, totib koʻrilgan; tajribadan oʻtkazilgan.

Bu dard ayniqsa Otabekka uch yildan beri sinashta. — A. Qodiriy, Oʻtgan kunlar

ot Sinovdan oʻtganlik, ishonchlilik.