от 1. Шов ва шунга яқин товушни билдиради.
Новдан оқиб тушаётган сувнинг шов-шуви дилрабо нағмалардай ёқиб кетди. — Ш. Тошматов, Эрк қуши
Унинг Жапақнинг даҳшатли довул шов-шувини эшитмаган қулоқлари эшикдаги заиф бир шарпани аниқ пайқаган эди. — А. Мухтор, Қорақалпоқ қиссаси
2. Ғала-ғовур, шовур-шувур, шовқин.
Улар вокзалнинг олдида қатор тизилиб турган Победаларнинг бирига ўтириб, шаҳарнинг шов-шувга тўла гавжум кўчаларидан учиб кетдилар. — О. Ёқубов, Ота
3. кўчма Миш-миш гап, овоза.
Бу воқеа ҳақида шов-шувлар юрибди. Шов-шув гап тарқатмоқ.
Домла ўйланиб қолди-да, анчадан кейин деди: — Қишлоқда шундай шов-шув бор эмишми? — А. Қаҳҳор, Сароб
4. с. т. Бирор ҳодиса, кимса ёки нарсага ўта қизиқиш туфайли юз берадиган қизғин муҳокама, мунозара, ҳар хил гап-сўз.
Султонова звеносининг бу ғалабаси катта шов-шувларга сабаб бўлди. — Н. Сафаров, Олияхон Султонова
Ҳамза ўрис қизга уйланибди деган хабар тарқалди. Бу гап шаҳарда беш-олти кун роса шов-шувга сабаб бўлди. — К. Яшин, Ҳамза
Мана, пахта териш агрегати тўғрисида ёзилган диссертация ҳақида матбуотда анчагина шов-шув бўлди. — Муштум