Қидирув

сфт. 1. Бекорга оворайи сарсон бўлиб юрган, ўз ёʻлини топа олмаган, парокандаликда юрган.

Саргардон бўлмоқ. Саргардон кезмоқ.

Менга у қанча азоб берган, шу деб қанча юртларда яланг оёқ саргардон кезганман. — С. Аҳмад, Қадрдон далалар

Бу жудолик мени қилди саргардон, Сиздан дуо тилар Ҳасандек полвон. — Ҳасанхон

Шералихон саргардон бўлиб етти йилдан сўнг бир чет бозорга келиб ўтирди. — Эрали ва Шерали

2. этн. Қадимги ўзбек урф-одатларига кўра, оғир ётган беморнинг (ирим билан) бошидан айлантириб (ўгириб) бериладиган садақа пули.

[Мастура:] Нега ҳаром бўлар экан? Саргардоннинг пули эмас бу, айланай! Дўппи тикиб тўплаганман, яхши йигит! — Ҳамза, Паранжи сирлари

от Саргардон бўлиб юриш.

— Ғам-у саргардонлик сен билан мени жаҳонгашта қилиб юборди, — деди Меъмор хотинига. — Мирмуҳсин, Меъмор

рвш. Ниҳоят даража-да сарсон, оворайи сарсон.

Қонуний талабимизни вақтида бажармай, сарсон-саргардон қилган одамларни жазолаш ўрнига, уларнинг бошини силаб ўз обрўйимизни ерга уришимиз керакми? — Шукрулло, Сайланма

от Сарсонликдаги ҳаёт, аҳвол.

Уруш туфайли ота-оналаридан бевақт жудо бўлган, сарсон-саргардонлик бошларига тушган гўдакларнинг аччиқ қисмати Маҳкам акалар оиласи билан Муборакхонни бир-бирларига боғлаб қўйган эди. — Р. Файзий, Ҳазрати инсон

погов. (букв. гулянье — это гулянье, мытарство тоже гулянье), если не погуляли, так побродили, как бы то ни было, а время провели.