ot 1. Butundan kesib, qirqib, yirtib, sindirib olingan yoki oʻzi ajragan qism; boʻlak, boʻlakcha.
Qogʻoz parchasi. Bomba parchasi.
Bahodir kallaklangan tol orasidan suyak, sovun parchalarini olar ekan, birdan Nilufarning yelim qoʻgʻirchogʻi chiqib qoldi. — S. Ahmad, Yulduz
Keksa ishchi soʻnggi goʻsht parchasini ogʻziga soldi. — A. Qahhor, Qanotsiz chittak
Deraza oynalariga yirik qor parchalari oq kapalakday urinadi. — Oybek, Tanlangan asarlar
2. ad. Asarning tugal mazmunli kichik qismi.
Romandan parcha, Koʻpgina oqshomxonlar yozuvchilarning yangi asarlaridan parchalar berib borishni, sanʼatkorlarimiz haqida koʻproq yozishimizni iltimos qilishdi. — Gazetadan
Abdulla Qahhor, to asar bitguncha, taassurotingiz buziladi, fikringizni toʻla ifodalay olmaysiz, deb hatto parcha oʻqigani ruxsat bermas edilar. — K. Qahhorova, Chorak asr hamnafas
3. koʻchma Boʻlak, boʻlakcha, qism.
— Oʻgʻlim, — dedi ona oʻrnidan turib, yuz-koʻzlarini boshidagi durrasining uchiga artar ekan, — farzand — qalb parchasi. — Gazetadan
- Bir parcha 1. Uncha katta boʻlmagan; kichkina, ozgina, arzimaydigan. Bir parcha yer.— Bir parcha non uchun sening eshigingda choʻrilik qilib, bolalaringning kirini yuvganman, — dedi Oyimxon. — P. Tursun, OʻqituvchiYigitali bir parcha qogʻozga qalam bilan yozilgan xatni oʻqiy boshladi. — S. Karomatov, Bir tomchi qonAgar ularning tili boʻlgan-da edi, har bir jang tagida kimlarning manglay teri-yu kimlarning bir parcha umri qolib ketganini soʻylab berardi. — X. Sultonov, Onamning yurti
- Parcha gulli Yirik-yirik gulli. Parcha gulli las.Xola divanga oʻtirdi. Boshidan qizil parcha gulli jun roʻmolini olib qoqdi. Peshonasini, boʻynini artdi. — S. Nurov, NarvonParcha gulli chit koʻylagini hilpiratgancha Gulzebo zavq bilan oʻyinga tushdi. — S. Karomatov, Oltin qum