ot 1. Barvasta va zabardast; jismoniy baquvvat, bahodir.
Pahlavon oʻgʻlon.
Ahmadjon u yoq-bu yoqqa borsa, yonida pahlavon ogʻa-ini, vafodor yor, sadoqatli joʻralar hamroh boʻlib yurganday, hech kimdan hayiqmaydi, koʻngli toʻq. — S. Nurov, Maysalarni ayoz urmaydi
Oʻzi ham xuddi sherga oʻxshagan, chiroyli pahlavon yigit ekan. — S. Ismoilzoda, Temur
2. Botir, qahramon.
Pahlavon jangchi.
Bugun yana Nildan oʻtgan karvonlar, Devni yiqqan pahlavonlar soʻzlasin. — A. Sher
Rivoyatda aytilishicha, shaharliklar pahlavonning jasadini topib, tantana bilan dafn etishibdi. — Fan va turmush
Yigit kuylasin, jangda Chin pahlavon boʻldim, deb. — H. Poʻlat
3. koʻchma Zabardast, kuchli.
Doʻstlarim, hayratda qolmangiz faqat, Pahlavon asrga shu gaplar mosdir. Inson bolasiga mehr ila shafqat — Hammaga xos edi, bizga ham xosdir. — A. Oripov, Yillar armoni