Hayot Foundation loyihasi
Loyiha haqida
Oʻz
Oʻz

Qidiruv

«ogʻrit» boʻyicha 31 ta natija: Lugʻatlar

Filtr
Boʻlim
Lugʻatlar Ertaklar
Lugʻat turi
Izohli Tarjima Terminologik Frazeologik
Tilga
Ruscha Inglizcha Qoraqalpoqcha Nemischa Fransuzcha Arabcha Turkcha

Lugʻat maqolalari

31 ta
ogʻrimoq
Izohli lugʻat · yana 6 ta lugʻatda

fl. 1. Kasal boʻlmoq, biror kasallikka yoʻliqmoq, dardga chalinmoq.

Ishlamay yegan, ogʻrimay oʻlar. — Maqol

Buyuk alloma Abu Ali ibn Sino miya, qontomir, oʻpka kasalliklari bilan ogʻrigan kishilarni davolashda yongʻoq magʻzidan samarali foydalangan. — Fan va turmush

Birdan Zebi xola ogʻrib qoldi-yu, oʻsha yotgancha oʻrnidan turmadi. — H. Nazir, Soʻnmas chaqmoqlar

2. Kasallanib, shikastlanib, jarohatlanib yoki charchab ogʻriq bermoq, ogʻriqqa kirmoq.

Oyogʻim ogʻriyapti. Pichoqni avval oʻzingga ur, ogʻrimasa, birovga ur! — Maqol

Uning tani zirqirab ogʻrir, ayniqsa, beli shunday ogʻrirdiki, aslo chidab boʻlmasdi. — S. Ahmad, Ufq

Butun badanim zirqirab ogʻriydi, endi juda kuchaydi ogʻriq. — Oybek, Tanlangan asarlar

3. Kasallanib yoki qurt yeb toʻkilmoq (hoʻl mevalar haqida).

Ogʻrigan olma.

  • Beli ogʻrimaganning non yeyishiga qara
  • Dili (yoki koʻngli) ogʻrimoq Xafa boʻlmoq, ranjimoq, dili ozor chekmoq. Zumrad eriga koʻz qirini soldi. Uning bugungi ozorini oʻylab, koʻngli ogʻridi va jahl bilan teskari oʻgirilib, toʻshakni boshiga tortdi. — S. Siyoyev, Otliq ayolGulnorni olmoqchi ekan, olsin. Uka, biz toʻsiq boʻlmaylik, cholning dili ogʻrimasin. — Oybek, Tanlangan asarlar
  • Joni ogʻrimoq Azob chekmoq, qiynalmoq.
Toʻliq maqola →
oʻgʻri
Izohli lugʻat · yana 8 ta lugʻatda

ot Oʻgʻirlovchi, oʻgʻrilik bilan shugʻullanuvchi shaxs.

Oʻgʻrini qaroqchi urdi. — Maqol

Bir kecha qoʻraga ikkita oʻgʻri tushib, qorovulning oyoq-qoʻlini bogʻlab, ogʻziga toʻppi tiqib, uchta sigir, ikkita ot, toʻrtta qoʻyni haydab ketdi. — A.Qahhor, Qoʻshchinor chiroqlari

Oʻgʻrilarni oʻldirganda, Otabekning yonida necha kishisi boʻlgan? — A.Qodiriy, Oʻtgan kunlar

  • Gap oʻgʻrisi Gʻarazli niyatda boshqalarning nima deyayotganini bilib olishga, eslab qolishga tirishadigan shaxs. — Dayus, gap oʻgʻrisi! — dedi Meli polvon. — Chap koʻzing oʻng koʻzingga doʻst boʻlmaydi-yu, koʻpchilikka el boʻlarmiding? — P. Tursun, Oʻqituvchi
  • Oʻgʻri tutmoq Oʻgʻri deb bilmoq, oʻgʻri hisoblamoq. Oʻzingga ehtiyot boʻl, qoʻshningni oʻgʻri tutma. — Maqol
  • Oʻgʻri qarash Sezdirmay, pinhona qarash, oʻgʻrilar kabi nazar tashlash. Atrofga oʻgʻri qarash qilgandan keyin, boshqa eshiklarni mahkamlab, sekin oʻrta eshikka qoʻl choʻzdi. — U. Ismoilov, Saylanma
Toʻliq maqola →
ogʻritmoq
Izohli lugʻat · yana 5 ta lugʻatda

fl. 1. Ogʻrimoq feʼlining orttirma nisbati.

Namgarlik aʼzoyi badanimni zirqiratib ogʻrityapti. Etik oyogʻimni ogʻritdi.

Yigʻlama, Tursunoy, yigʻlama. Yigʻi boshni ogʻritib, kishini lohas qiladi. — A. Qahhor, Maston

2. Xafa qilmoq, ranjitmoq, diliga ozor bermoq.

Koʻnglini ogʻritmoq.

Dildor shu yoshga kirib, birovning dilini ogʻritmagan. — S. Ahmad, Ufq

[Kumush Otabekka:] Shu yaqin oradagi uning [Zaynab] bilan boʻladigan masʼud daqiqalaringizda xudo yoʻliga vaʼda olingiz — meni ogʻritmasin, raqibam keldi, deb oʻylamasin. — A. Qodiriy, Oʻtgan kunlar

Uka, man uch-toʻrt kundan keyin Fargʻonaga joʻnayman. Lekin, san cholning koʻnglini zarracha ogʻritma, durustmi? — Oybek, Tanlangan asarlar

  • Bosh ogʻritmoq 1. Boshni ogʻritmoq, boshga ogʻriq kiritmoq. Zaʼfaron foydali oʻsimlik boʻlish bilan birga noxush asoratlari ham bor. Boshni ogʻritadi. — Saodat;Bu yil idora chopiq, sugʻorish kabi ishlarni tashkil qilish; ish bitdimi, orqada qoldimi, har kun koʻzdan kechirish toʻgʻrisida bosh ogʻritmaydi. — A. Qodiriy, Kichik asarlar;Elga qoʻshilmaysan, odamgarchiliging bormi? deyishaverib, boshni ogʻritishdi. — Gazetadan
Toʻliq maqola →

Hammasini koʻrish · 31 →