Qidiruv

ot 1. Tushuntirish uchun yoki dalil, isbot va shu kabilar tariqasida bir turli narsa, hodisa va shu kabilardan olingan ayrim namuna; oʻrnak.

Misol keltirmoq. Misolga olmoq. Misol uchun gapirmoq.

[HakimboyvachchaJ Yomonlarning koʻpaygani haqida shikoyat qildi. Misol uchun Yoʻlchini oldi. — Oybek, Tanlangan asarlar

Shayboniyxon mirzolarning insofni, imonni unutganlari, el-ulusni vayron qilganlariga yana bir talay misollar keltirdi. — P. Qodirov, Yulduzli tunlar

2. Yechish, mashq qilish uchun beriladigan matematik ifoda.

Misol ishlamoq. Yechilishi oson misol.

3. kam qoʻll. ayn. Misoli.

Oq paxtamiz taronasi yoyilsin tong misoli. — Toʻla

Kunlarim ham endi tiyiqsiz Oqar koʻzim yoshlari misol. — Sh. Rahmon

koʻm. Xuddi, goʻyo, kabi, singari.

— Haligi gapimni sir deb bil! — davom etdi chol. — Paxta bozori misoli qaynab toshgan bir daryo. — Oybek, Tanlangan asarlar

Munchalar shunchalik koʻrkam shoxingni Quyoshga koʻtarmay, pastga egibsan? Soyabon misoli yerga tegibsan. — Shuhrat

погов. жизнь — эта такая штука — сегодня живешь, а завтра можешь и не быть, жизнь коротка.

sft. Oʻxshashi yoʻq, tengsiz; hadsiz, haddan tashqari.

Gunohing ogʻirdir, bemisol darding, Shoirning malagi, goʻzal Natalya. — Gazetadan

Orzulari osmonday tiniq, Bagʻri dengiz qadar bemisol. — Saodat

Qoʻrqib ketdi jikkak bemisol: E, mushtuming nariroqqa ol! — M. Ali, Boqiy dunyo

Xuddi, goʻyo (goʻyoki), kabi, yangligʻ; oʻxshatish, qiyos maʼnosini ifodalaydi.

Bilim yaxshi narsa, qizim. Bamisoli chiroq: yoʻlingni yoritadi. — H. Gʻulom, Feruza

Aql va madaniyat, haq va adolat bamisoli oftob: uni toʻsish va yoʻqotish mumkin emas. — A. Hakimov, Ilon izidan