от 1. Ташкилот, кор-хона ёки идора аъзоларининг бирор масала муҳокамасига бағишланган йиғилиши ва унинг иштирокчилари.
Очиқ мажлис. Ёпиқ мажлис. Партия мажлиси. Мажлис ўтказмоқ. Мажлис қилмоқ.
Бу масалани ота-оналар мажлисида муҳокама қилиш керак. — Ў. Ҳошимов, Қалбингга қулоқ сол
2. эск. Тўй, зиёфат ёки бошқа муносабат билан уюштирилган ўтириш ва шу ўтириш қатнашчилари.
Мажлис Зиё шоҳичининг уйида Отабекнинг меҳмондорчилиги учун йиғилган. — А. Қодирий, Ўтган кунлар
Юсуфбек ҳожи кўтарилиб, Қамбар шарбатдорга қаради ва мажлисни ер остидан кузатиб чиқиб, яна жим қолди. — А. Қодирий, Ўтган кунлар
3. Баъзи шарқ давлатларида (масалан, Ўзбекистон, Туркия, Озарбайжон ва Эронда) қонун чиқарувчи орган (парламент); ҳукумат ҳайъати.
- Қиз(лар) мажлиси Келиннинг тўй муносабати билан ўз ўртоқларига берадиган зиёфати. Уйда, Кумушбибининг тоғасининг уйи-да, қизлар мажлиси, гуллар мажлиси. — А. Қодирий, Ўтган кунлар