Қидирув

сфт. Ўз хоҳиш-ихтиёридан ташқари, кимнингдир амри, зўри билан ёки бирор нарсанинг тақозоси туфайли қандайдир бир ишни қилиши шарт ҳолатли.

Тенгдошлари ичида энг пешқадам ҳисобланган Шерали ҳам геология тарихига оид масалаларда у билан ҳисоблашиб, эҳтиётроқ бўлиб гапиришга мажбур эди. — С. Кароматов, Олтин қум

рвш. Мажбур бўлиб ёки мажбур қилиб; мажбурият орқасида.

Араббой кўпчилик кулгисидан бир оз изза тортди. Лекин у баъзи бировлардай умум кулгисига мажбуран таслим бўлиб илжаймади. — П. Турсун, Ўқитувчи

— Фараз қилайлик, мен сени мажбуран куёвга бердим, — деди Салимхон. — А. Қаҳҳор, Сароб

сфт. Хоҳ ихтиёрий, хоҳ ихтиёрсиз бажарилиши, амалга оширилиши шарт бўлган.

Мажбурий таълим. Мажбурий хизмат.

Тушлик ўтиб, икки соатлик мажбурий ҳордиқ тамом бўлгандан кейин касалхона гавжум бўлиб кетади. — Ў. Ҳошимов, Нур борки, соя бор

от 1. Ғайриихтиёрий вазифа, бурч ёки бирор мажбурий иш, ҳолат, эҳтиёж.

Тошкент жўнаш учун ўзида мажбурият ҳис этар., бошқа чора ёʻқ эди. — А. Қодирий, Ўтган кунлар

Халойиқ ҳам секин-аста тарқалди — ҳоким келмаган, офтобда сарғайишнинг мажбурияти қолмаган эди. — М. Исмоилий, Фарғона тонг отгунча.

2. Меҳнат аҳлларининг бирор ишни бажариш учун берган қатъий ваъдаси.

Звено бўйича мажбурият ҳар гектаридан ўн бир сентнер эди, ҳозир ўн тўрт бердик. — А. Қаҳҳор, Қўшчинор чироқлари

Икки бригада мусобақалашиб, юқори мажбуриятлар олган. — Ўзбекистон қўриқлари

compulsion, constraint, coercion

фл. Мажбурий тарзда, зўрлаб ёʻлламоқ, зўрламоқ.

Аниқроғи, уларнинг реал эҳтиёжи борми, ёʻқми, бари бир, мажбурлаб тиқиштирардилар. — Муштум