Hayot Foundation loyihasi
Loyiha haqida
Oʻz
Oʻz

Qidiruv

«koʻchma» boʻyicha 2425 ta natija: Lugʻatlar

Filtr
Boʻlim
Lugʻatlar Ertaklar Shevalar
Lugʻat turi
Izohli Tarjima Terminologik Frazeologik
Tildan
Oʻzbekcha Ruscha Inglizcha Lotincha Turkcha
Tilga
Oʻzbekcha Ruscha Inglizcha Qoraqalpoqcha Nemischa Fransuzcha Arabcha Turkcha

Lugʻat maqolalari

75 ta
koʻchma
Izohli lugʻat · yana 7 ta lugʻatda

ot 1. Biror joyda turmay, joydan joyga koʻchib yurib ishlaydigan.

Koʻchma ustaxona. Koʻchma kino. Koʻchma sirk,

Bir yildan beri choʻponlar uchun koʻchma kutubxona tashkil qilib berishlarini soʻrayman-u, hech boʻlmaydi-da! — O. Yoqubov, Togʻ qizi

Ammo Mohidil koʻchma magazinda aroq sotishni man qilgandan keyin norozi boʻlganliklarini yashirmay qoʻydilar. — J. Abdullaxonov, Toʻfon

2. Musobaqada keyingi gʻolibga olib beriladigan.

Koʻchma bayroq. Koʻchma kubok.

3. Oʻz oʻrnidan siljib, suzib yoki uchib, boshqa joyga koʻchib yuradigan.

Koʻchma muz togʻlari.

Orqaga qaytish uchun koʻchma qumlar orasidan yurish kerak. — A. Qahhor, Maston

Ehtimol, endigina unib chiqqan nimjon gʻoʻzalar koʻchma qum ostida qolgandir. — Sh. Rashidov, Boʻrondan kuchli

  • Koʻchma maʼno 1. Maʼno koʻchishi asosida kelib chiqqan maʼno. Soʻz-termin metaforik qoʻllashdan barqaror koʻchma maʼnoga oʻtadi va shu maʼnosi orqali adabiy tilda keng qoʻllanadi. — OʻTA;
Toʻliq maqola →
koʻchmoq
Izohli lugʻat · yana 6 ta lugʻatda

fl. 1. Yashash joyidan ketmoq, boshqa yashash joyiga oʻtmoq.

Olovni kovlasang — oʻchar, qoʻshnini kovlasang — koʻchar. — Maqol

U [Nuri] Yormat oilasining boqqa koʻchib ketganini eshitib, afsus qildi. — Oybek, Tanlangan asarlar

Bu yerdan hech qachon koʻchmayman, sen ham koʻchmaysan. — Sh. Rashidov, Boʻrondan kuchli

2. Umuman, oʻrni, manzili va shu kabilardan boshqasiga oʻtmoq, jilmoq, ketmoq.

Bu yil qizim beshinchi sinfga koʻchadi.

Ana, qoqdi qanotin bulbul, Kelib qoʻndi chiroyli gulga. Shoxdan-shoxga koʻchadi nuqul, Kuyi rohat berar koʻngilga. — I. Muslim.

Kuz kirib, ularning uchrashuvlari ishxonaga koʻchgan dastlabki kunlar — Yoshlik

3. koʻchma Mavzuni, harakatni, yashash yoki ishlash tarzini oʻzgartirmoq, boshqasiga oʻtmoq.

Xadicha xolaning bas, qiynama degan mazmunda koʻz qisishini koʻrib, boshqa gapga koʻchdi. — A. Qahhor, Qoʻshchinor chiroqlari

4. Yopishgan, birikkan joyidan ajramoq.

Uning [masjidning] baland va siri koʻchib ketgan eski ustunlik ayvonida uch-toʻrt namozxon oʻtirishibdi. — P. Tursun, Oʻqituvchi

Ovoz lampochkasining ostidagi qoʻrgʻoshinlar koʻchib ketibdi, yangidan yoʻpishtirdi. — T. Ashurov, Oq ot

  • Yengil (yoki oson) koʻchmoq Qiyinchiliksiz hal boʻlmoq, amalga oshmoq. Nima boʻlgan-da ham, koʻnglining bir chekkasini kirlatib yotgan bu ota-ona orzusi, bir tomondan qaralganda, juda yengil koʻchgan edi. — A. Qodiriy, Oʻtgan kunlarBu ish ham xamirdan qil sugʻurgandek oson koʻchdi. — M. Qazratqulov, Jurʼat
  • Ogʻir (yoki qiyin) koʻchmoq Qiyinchilik bilan sodir boʻlmoq; qiyin hal boʻlmoq; ogʻir sharoitda oʻtmoq. Bu yil ish yana ancha ogʻir koʻchadiganga oʻxshaydi-a. — Sh. Gʻulomov, Yorqin ufqlarAyniqsa, qish bilan olishish juda-juda qiyin koʻchibdi. — Sh. Gʻulomov, Yorqin ufqlar
Toʻliq maqola →
koʻchmanchi
Izohli lugʻat · yana 6 ta lugʻatda

ot 1. Oʻtroq boʻlmagan holda, koʻchib yurib hayot kechiradigan.

Koʻchmanchi qabila. Koʻchmanchi qushlar.

Qalmoqlar asosan chorvachilik bilan shugʻullanar, koʻchmanchi hayot kechirar edi. — Gazetadan

Uy egasi koʻchmanchilarga xos mehmondorlik qilib, bizni yaxshilab kutib oldi. — M. Muhammadjonov, Turmush urinishlari

2. ayn. Koʻchma.

Saksovul oʻrmonzorlari koʻchmanchi qumlar yoʻlini toʻsdi. — Gazetadan

Ular toʻsar yovuz daryoni Va koʻchmanchi barxanlarni ham. — A. Obidjon, Ketmagil

Toʻliq maqola →

Hammasini koʻrish · 75 →

Taʼriflar ichida

2350 ta
park

park park < lot. parricus — ihota qilingan, oʻrab olingan joy 1 Gulzor, daraxtzor va xiyobonlari boʻlgan, dam olish, koʻngil ochish uchun moslashtirilgan katta bogʻ. Park

Hammasini koʻrish · 2350 →