Қидирув

сфт. Кийимга эга.

от 1. Баданни ва тана аъзоларини беркитиш, ёпиш ва шу билан инсон танасини ташқи муҳит таъсиридан сақлаш учун кийиладиган, асосан, мато ва теридан тикиб тайёрланадиган нарсаларнинг умумий номи.

Ички кийим. Устки кийим. Бош кийим. Оёқ кийим. Миллий кийим. Аёллар кийими.

Топ кўчанинг юқори бурчагида отининг тизгинини ушлаган ҳолда, бир йигит кийимига ўтирган чанг-тўзонларни қоқар эди. — А. Қодирий, Ўтган кунлар

Гулнор қутилардан бирини очиб, кийимлари орасига ҳалиги дўппини жойлаштирди. — Ойбек, Танланган асарлар

Ҳовлиқиб, рус ҳарбий зобити кийимида шаҳзода Исфандиёр кирди. — С. Сиёев, Ёруғлик

2. айн. Кийимлик.

Бир кийим атлас. Икки кийим духоба сотиб олмоқ.

от Кийим қилинадиган мато, кийимбоп газлама; кийимга мўлжалланган.

Бир кийимлик духоба. Икки кийимлик атлас. Кийимлик харид қилмоқ.

[Деҳқон:] Қовуним пишиб чириб кетди битта четанда олиб тушай-да, сотиб, болаларга кийимлик олай, деб хаёл қилган эдим. — Ойбек, Танланган асарлар

Амакингизнинг дўконига яхши шоҳилар, бахмаллар келибди, олмайсизми? Кеча уч-тўрт кийимлик олиб келиб қўйдилар. — Ойдин, Ҳикоялар

от Кийиладиган нарсалар, кийим; уст-бош, кийим-кечак.

Булар [йигитлар] бир шаҳарга тушиб, эртасига кийим-бош олишди. — А. Қаҳҳор, Олтин юлдуз

Элмурод ўзини улар олдида дадасининг кийим-бошини кийиб юрган боладай қўпол, уқувсиз сезарди. — Шуҳрат, Шинелли йиллар

Одежда хороша новая, а друг — старый.

[Илҳом:] Дўстлардан жуда-жуда миннатдормиз. [Сурмахон:] Илҳом ака, мана яна биргамиз. [Илҳом:] Дардингизга даво топилди, ярангиз тамомила тузалиб кетди. [Сурмахон:] Кийимнинг янгиси, дўстнинг эскиси яхши. Эски дўстим учун тўёна олиб қўйган эдим. [Ильхам:] Мы очень и очень благодарны друзьям. [Сурмахон:] Ильхам-ака, вот мы снова вместе. [Ильхам:] Вы теперь избавились свою кручинушку-печаль, теперь ваша сердечная рана зажила окончательно. [Сурмахон:] Одежда хороша новая, а друг — старый. Я для своего старинного друга приготовила свадебный подарок. — Б. Раҳмонов, Сурмахон.