Қидирув

сфт. 1. Ҳеч кими ёʻқ, ёлғиз.

[Элмурод:] Ахир, бир кимсасиз етимдан бугун шундай одам бўлсам-у, бош им кўкка етмасинми?! — П. Турсун, Ўқитувчи

2. Одам зоти ёʻқ, одамсиз; бўм-бўш.

Кимсасиз ҳовли. Кимсасиз дашт.

Маҳкам кимсасиз коридордан тез-тез юриб, ўша эшик қаршисига борди. — П. Қодиров, Уч илдиз

Онахон Найманчанинг кўчаларига яна бир тикилиб қаради: ҳаммаёқ боягидай жимжит, кимсасиз эди. — А. Мухтор, Опа-сингиллар

от 1. Умуман одам, шахс, зот.

Қисқаси, илгаридан оддий бир тенгдошдек бўлиб келган бир қиз энди Элмурод учун сирли бир кимсага айланиб борар эди. — П. Турсун, Ўқитувчи

Бу номаълум кимса оёқ учи билан юриб келди-да, мўралаб айвонга қаради. — А. Қодирий, Ўтган кунлар

2. кам қўлл. Ҳеч ким, ҳеч зот.

Гўё кимса ҳол сўрмас мендан, Жўраларим сўрамаслар ҳол. — Рауф Парфи

Нон сотиб олай деса, бозор ёʻқ, тортиб олай деса, кимса ёʻқ. — И. Раҳим, Чин муҳаббат

от 1. Ким сўзининг иккинчи шахсга қаратилган сўроқ шакли.

Подадан адашган бузоққа ўхшаб дуч келган эшикка бошингни тиқаверасанми? Кимсан ўзинг? — Ойбек, Танланган асарлар

2. Назарда тутилган шахснинг даражаси (амали, унвони, бойлиги ва шу кабилар) юқорилигини таъкидлаш учун ишлатилади.

[Тантибойваччанинг дадаси] Зиқнанинг пир ургани эди Кимсан — терифуруш фалончи бой! Лекин кўрган одам ямоқчими, бўзчими деб ўйлар эди. — Ойбек, Танланган асарлар

— Хотинлари ҳам, кимсан — оқсоқолнинг хотинимиз, деб кеккайишиб, ўзларига хон, ўзларига бек бўлиб, роса зуғумини ўтказишди, — деди Юсвали тоға. — П. Турсун, Ўқитувчи

3. Кимсан (эркаклар ва хотин-қизлар исми).