фл. 1. Миқдор ёки ҳажм жиҳатидан оз, кам бўлмоқ; озаймоқ.
Маҳсулот таннархи камайди. Касаллар сони камайди.
Кўллардаги сув миқдорининг камайиши ёки кўпайиши эса маҳаллий иқлим шароитининг ўзгаришига сабаб бўлади. — Фан ва турмуш
уч-тўрт от майиб бўлиб ишдан чиқди, жамғарилган озиқ-овқат ҳам камайиб бормоқда. — Ж. Шарипов, Хоразм
2. Куч, таъсир даражаси жиҳатидан озаймоқ, пасаймоқ.
Оғриқ камайди. Хавф камайди.
Учинчи кун табриклар оқими бир оз сусайиб, энтикиш, ҳаяжонлар ҳам камайиб, сокин дақиқалар бошланаётган эди. — Х.Тўхтабоев, Ширин қовунлар мамлакати
- Камайиб қолмайди ёки бирор жойи (ёки ери) камаймайди Ҳеч қандай зарар етмайди. Қариянинг ишларига қарашиб юборсанг, бирор еринг камайиб қолмайди.