сфт. 1. Қазилган, ўйилган ёки табиий чуқурлик, ўйиқ; ўра.
Бировга чуқур қазисанг, ўзинг йиқиласан. — Мақол
Бу ахлатларни тезда шупуриб, бир чуқурга тўкиб, устидан тупроқ тортиб — А. Қодирий, Кичик асарлар
Кўчат келтириб, чуқурга қўяман, танасидан тутиб тураман, Яхшибоев ўртасига тупроқ тортади. М. М. — Дўст, Лолазор.
2. сфт. Сатҳдан анча паст; чўнқир, теран.
Чуқур дарё. Чуқур ҳовуз. Чуқур жарлик.
Бинонинг ранги униқиб кетган, кўҳна ёғоч дарвозаси олдидан чуқур ариқ оқарди. — Н. Аминов, Қаҳқаҳа
3. рвш. Ичдан, ўпкадан тўлиб-тошиб чиққан ёки ўпкани тўлдирувчи.
Қудрат тушимми, ўнгимми?! деб чуқур хўрсинди. — Ҳ. Назир, Сўнмас чақмоқлар
Нигора чуқур нафас олди. — Шарқ юлдузи
Яхшибоев чуқур тин олди. М. М. — Дўст, Лолазор.
4. сфт. кўчма Ҳар томонлама кенг, асосли, атрофли, теран.
Чуқур маъно. Чуқур илмий текширишлар.
Олимнинг бу йилларда эълон қилган мақолалари чуқур таҳлилга эга эканлиги билан ажралиб туради. — ЎТА
5. сфт. кўчма Кучли; беҳад катта.
Чуқур қайғу. Чуқур сукунат.
Онанинг кўнглига чуқур ғашлик чўккан. — Саодат
Тайёрланаётган таомларнинг сифатидан ишчилар чуқур қониқиш ҳосил этишяпти. — Газетадан
6. рвш. Юзадан ичкарига, ич-ичига.
Чуқур ботаверди юракка ханжар. — Х. Даврон.
7. рвш. Мустаҳкам, қаттиқ.
Ҳалима Носированинг беқиёс санъати, табиий ва бетакрор овози халқимиз қалбидан чуқур жой олди. — Саодат
- Елкамнинг чуқури кўрсин Бирор жойга ҳеч қачон қадам босмайман деган маънода айтиладиган ибора. — Шу магазинни елкамнинг чуқури кўрсин, — деб жаҳл билан чиқиб кетди [қиз]. — Ёшлик