Қидирув

Тенг бўлишиб емоқ, ўртада емоқ, ичмоқ ёки бўлишиб олмоқ.BÖLÜŞMEK, PAYLAŞMAK

рвш. 1. Бир тан, бир жон бўлиб, бир ёқадан бош чиқариб, ҳамжиҳатлик, аҳиллик билан.

Туркистон шаҳридаги кўп дўкондорлар тошкентликлар бўлиб, улар Анорбой деган катта бир бойнинг қўрасини ижарага олиб, шу ерда баҳамжиҳат туришар экан. — М. Муҳаммаджонов, Турмуш уринишлари

оила ҳамда кенг жамоатчилик баҳамжиҳат иш олиб борсагина, кўзланган мақсадга эришиш мумкин. — Газетадан

Хоразм элчиси Маҳмуд Жанда Ўзган шаҳрига беҳисоб совға-саломлар билан бориб, баҳамжиҳат бўлмоққа даъват этибдур. — М. Осим, Карвон ёʻлларида

2. кесим взф. Иноқ, тотув.

Келинларим жуда чиқишоқ, ҳар ишда баҳамжиҳат. — Ойбек, Олтин водийдан шабадалар

Тан иттифоқда, баҳамжиҳат бўлишда, укам. Орага фитна солиш ёмон нарса. — Ойбек, Танланган асарлар

фл. 1. Ўртада тенг бўлишиб емоқ ёки ичмоқ; бўлишиб олмоқ.

Аҳмаджон ака ўзлари сержон бўлсалар ҳам, битта нонни топсалар, биз билан баҳам кўришган. — М. Қориев, Ойдин кечалар

Ҳаммамиз худди бир ота-онанинг боласидек аҳилмиз. Ҳамма нарсани баҳам кўрамиз. — Ҳ. Нурий, Лочин боласи лочин

Ҳеч бўлмаса, бундай бирга ўтириб, шу чойнакдаги чойни баҳам кўрса, нима қиларкин? — С. Анорбоев, Оқсой

2. кўчма Ўртоқлашмоқ, сирлашмоқ, ўзаро фикр алмашмоқ.

Дўст фақат ташвишда эмас, қувончни баҳам кўришда ҳам билинади. — Ёшлик

Мавлуда ўз тажрибаларини ҳеч вақт сир сақламайди, балки уни доимо ўз дугоналари билан баҳам кўради. — У. Муҳамедов, Опа-сингиллар

Бекмирза иккимиз филм ҳақидаги таассуротларимизни орада баҳам кўрдик. — Й. Шамшаров, Қаҳрамонлик ёʻли

Аҳмадларни тезроқ учратиб, шодлигимни баҳам кўргим келади. — С. Сиёев, Ёруғлик

от Бир ёқадан бош чиқариш; иноқлик, биргалик.

Ҳамма баҳамжиҳатлик билан бир-бирини қўлласа, чўлларимиз бойроқ гулистонга, олтин водийга айланиб кетади, албатта айланади. — Шарқ юлдузи

Мамлакатимиз учун иттифоқлик, баҳамжиҳатлик, якдиллик сув ва ҳаводай зарур. — Ойбек, Нур қидириб

фл. Баҳам кўрмоқ феълининг мажҳул нисбати.

фл. Баҳам кўрмоқ феълининг биргалик нисбати.