от 1. Шикаст, бузилиш; зиён-заҳмат.
Залда ҳамма бир нарса тўғрисида гаплашарди: Дўл қаттиқ ёғди. Ғўзага зарар қилмасмикан? — Р. Файзий, Чўлга баҳор келди
2. Савдо-сотиқда(н) кўрилган зиён; умуман, моддий ютқизиқ.
Тарвузи қўлтиғидан тушган директор театрга бир юз етмиш сўм-у тўрт тийин зарар келтирган шу томошабиннинг ёқасидан бўғиб, кўчага опчиқиб ташлагудек ўқрайди. — С. Аҳмад, Сайланма
Ўзингизга маълум, савдо аҳли зарарни ёқтирмайдиган, фойда талаб халқ бўлади. — К. Яшин, Ҳамза
Биздан Мирзакаримбой ҳеч вақт зарар кўргани ёʻқ. Пахта йилдан-йилга мўл бўлиб, фойдаси ҳам ошиб турибди. — Ойбек, Танланган асарлар
3. Киши организмига, соғлигига ёмон таъсир; жисмоний зиён, шикаст.
Тамакининг зарари.
- Зарар бермоқ Шикастламоқ, ярадор қилмоқ. Кумуш, отасининг олдига капот ёзган каби югуриб, унинг соколини силар экан, сўради: — Сизга зарар бермадиларми, отажон? — А. Қодирий, Ўтган кунлар
- Зарари ёʻқ Ҳечқиси ёʻқ, зарарсиз, ҳеч нарса қилмайди. Зарари ёʻқ, Раҳим ота, ҳозирги хизматингиз ҳам ёшларникидан қолишмайди [деди Назаров]. — Файзий, Чўлга баҳор келди— Зарари ёʻқ, паккини олиб келинг, янгисини қазиймиз! — деди Зойиржон кулумсираб. — Ў. Ҳошимов, Қалбингга қулоқ сол
- Зарари тегмоқ Моддий ёки жисмоний зиён, шикаст етказмоқ; ёмонлик қилмоқ. Ишқилиб, дўстларига зарари тегмаса бўлди — бошқасидан қўрқмайди. — О. Ёқубов, Эр бошига иш туца