Qidiruv

sft. 1. Hayotdan juda mamnun, kayfiyati juda yaxshi; shod, xurram; xushchaqchaq.

Ozod yoshlarning ruhlari tetik va oʻzlari xursand edilar. — N. Fozilov, Diydor

Oyim azbaroyi xursand boʻlganidan: — Barakalla, oʻgʻlim! — deb yelkamga qoqib qoʻydi. — H. Nazir, Yonar daryo

2. Biror kimsadan yoki narsadan qanoat hosil qilgan; mamnun, rozi, minnatdor.

Shu yoʻsin Nodira, Mohlar oyimdan juda xursand boʻlgani holda, uyiga qaytdi. — A. Qodiriy, Mehrobdan chayon

Elmurod uni [Davlatyorni] shunday sharoitda uchratganidan xursand boʻldi — P. Tursun, Oʻqituvchi

3. Xursand (erkaklar va xotin-qizlar ismi).

ot Mamnunlik, vaqtichogʻlik.

Xursandligimni aytsangiz, goʻyo daryoman-u, qirgʻoqqa sigʻmay, toʻlqin urayotgandekman. — X. Toʻxtaboyev, Shirin qovunlar mamlakati

ot 1. Vaqtni xursand, shod, oʻyin-kulgi bilan oʻtkazish; vaqtichogʻlik.

Bu — boshlariga tushgan fojiadan keyingi birinchi xursandchilik edi. — Mirmuhsin, Meʼmor

shu kunlarning birida Xayri acha uyida kichkina xursandchilik boʻldi. — D. Nuriy, Osmon ustuni

2. Xursandlik, shodlik.

— Men senga aytsam, doʻstim, — dedi Elmurod, — xursandchiligim ichimga sigʻmaydi. — P. Tursun, Oʻqituvchi

ЧК

Biz doʻstlarimizning muvaffaqiyatlaridan (nimadan?) xursandmiz.

Men Sizni koʻrganimdan (nimadan?) xursandman.

arabchaتشرفنا, TasharrafnaruschaПриятно познакомитьсяinglizchaNice to meet you