Izohli lugʻat
· yana 2 ta lugʻatda
ot 1. Kichik xurma.
Kechqurun ayam bir xurmacha qatiq koʻtarib keldi. — S. Siyoyev, Yorugʻlik
2. koʻchma s. t. Qorin, oshqozon.
— Toʻxta, toʻxta, ey nonkoʻr. Xurmachangga loyigʻini ich-da, oʻz obroʻsini bilmagan goʻl, — dedi Ergash Olimga. — B. Rahmonov, Qilmish-qidirmish
- Xurmachasi oqarmagan
- Xurmacha qiliq Yomon, bemaʼni, sovuq qiliq; xunuk odat. Dadamning puli koʻpayib, bir yildan buyon xurmacha qiliq chiqarib qoldilar. — Mushtum
- Xurmachaning tagini yalaganmiding? Toʻyi kuni qor yoki yomgʻir yoqqan yigit yoki qizga nisbatan hazil tariqasida aytiladigan gap. Churuk paranji yopingan bir xotin uzoqdan shangʻillab kelaverdi: — Qor ham qursin, kafilim ham qursin, Nurioy, xurmachaning tagini xoʻp yalagan ekansiz-da! — Oybek, Tanlangan asarlar