Qidiruv

ot 1. Biror xatarli hodisa yoki falokat sodir boʻlishi ehtimolligi, xatar.

Bu voqeadan xabar topgan Sulton Ali mirzo oʻlim xavfi oʻziga ham yaqinlashib kelayotganini sezdi — P. Qodirov, Yulduzli tunlar

Shoshish kerakmas, chunki bu yil toshqin xavfi yoʻq. — A. Qahhor, Qoʻshchinor chiroqlari

2. Xavotirlanish, xavfsirash; xavotir, tashvish.

Hamisha xavfda koʻnglim bu muhabbat intihosidan, Meni ham etmasa majnun debon Raʼnoni(ng) savdosi. — A. Qodiriy, Mehrobdan chayon

sft. Xavf paydo qiladigan, xatarli, qoʻrqinchli.

[Horunbek:] Siz saltanat uchun xavfli odam sifatida joʻnatilyapsiz. — Mirmuhsin, Meʼmor

U tajribasiga suyangan holda bir narsaga amin boʻladi: jamiyat uchun jinoyatchidan koʻra loqayd odam xavfli! — Yoshlik

Buxoroga eng yaqin yoʻl shu boʻlgani bilan, u gʻoyatda xavfli edi. — Mirmuhsin, Meʼmor

sft. Xavf tugʻdirmaydigan; xatarsiz.

Men senga aytsam, Ummat, oʻgʻling xavfsiz joyda. — S. Ahmad, Ufq

ot Xavfli ekanlik.

kasallik kelib chiqishi yoki salomatlikning har qanday buzilishiga sabab boʻluvchi, insonga koʻrsatiladigan ixtiyoriy tabiiy, texnogen yoki ijtimoiy taʼsir. X.o. qandaydir kasallik yoki oʻlimning bevosita sababchisi boʻlmaydi, biroq koʻpincha salomatlik buzilishining bevosita sabablari taʼsirini chuqurlashtiradi. Mas., chekish yurak-qon tomir tizimi va nafas olish organlari kasalliklari ehtimolini oshiradi; gipodinamiya yurakning ishemik kasalliklari ortishiga yordam beradi. Aholi sogʻligʻiga taʼsir koʻrsatuvchi X.o.: turmush tarzi (tamaki chekish, giyohvand moddalar va spirtli ichimliklar, dori preparatlarini isteʼmol qilish, ovqatlanish xususiyati, harakat faolligi, mehnat sharoitlari, moddiy-maishiy sharoit, oilaviy ahvol va boshq.); genetik va biologik omillar; sogʻliqni saqlashning holati; yashash muhiti.