Поиск

ot 1. Tokning gʻujumlardan iborat mevasi.

Bir shingil uzum. Uzum gʻujumi. Uzum sharbati. Uzumini yeng, bogʻini surishtirmang. — Maqol

Salimboyvachcha ikki ishkomga kirib, boshdan-oyoq koʻrib chiqdi: Uzum tok bargidan ham moʻl. — Oybek, Tanlangan asarlar

Bir kuni koʻchada ketayotsam, Umri bir bosh uzum koʻtarib kelyapti. — A. Qahhor, Xotinlar

2. s. t. Tok.

Uzum ekmoq. Uzumni xomtok qilmoq.

посл. ешь виноград, а откуда он — не спрашивай, ≈ дареному коню в зубы не смотрят

ot 1. Tok ekish va uzum yetishtirish bilan shugʻullanuvchi mutaxassis, bogʻbon.

2. Koʻplab uzum oluvchi, uzum bilan savdo qiluvchi shaxs.

— Gard orasidan oriq baytalga mingan bir uzumchi chol paydo boʻldi, — dedi Shum bola. — Gʻ. Gʻulom, Shum bola

ot Tok ekilgan yer, tokli maydon, bogʻ.

Bogʻ va uzumzorlar, polizlar moʻl hosilni koʻz-koʻz qilardi. — Saodat

Bu yer uzumzor ekan. Ular birinchi ishkomga kirib oldilar. — H. Gʻulom, Mashʼal

sft. Uzum shaklidagi, uzumga oʻxshagan.

ot 1. Bogʻdorchilikning tok oʻstirish va uzum yetishtirish bilan shugʻullanadigan tarmogʻi.

Uzumchilikni rivojlantirmoq.

2. Tokning biologik xususiyatlari va uni oʻstirish usullarini oʻrganadigan fan (oʻsimlikshunoslikning bir boʻlimi).