Қидирув

от 1. Кимсанинг ўз сўзида, ваъдасида тура олиш хислати; лафз, бурд.

Тутуриғи ёʻқ одам.

Наҳотки, кечагина техникага биркитилган болаларни яна қайтариб, тупроқ ишига қўйишга тўғри келса! Болалар олдида лафз, тутуриқ қоладими? — А. Мухтор, Туғилиш

Бир соатнинг ичида икки одамни иғвогарга чиқариб, яна сўзингиздан қайтиб ўтирсангиз, сизда тутуриқ борми ўзи? — Муштум

2. Иш, гап-сўздаги қатъийлик, тайин.

мен бу дунёдаги ишларинг бетутуриқ деб юрсам, охиратдаги ишларингда ҳам тутуриқ ёʻқ экан. — А. Қаҳҳор, Асарлар

Отамнинг дарди оғир, баъзи вақтлар иситма орасида аллақандай тутуриғи ёʻқ гапларни гапириб қўяди. — Ғайратий, Менинг ёшлигим

сфт. Тутуриғи, бурди бор; сўзида, лафзида турадиган; бурдли; тайинли.

Тутуриқли одам. Тутуриқли гап.

сфт. Тутуриғи, бурди ёʻқ; сўзида, лафзида турмайдиган, бебурд, бетайин, бемаъни.

Тутуриқсиз одам. Тутуриқ-сиз гап

Икки тутуриқсизни деб кўрпани куйдирмоқчимисан? — А. Мухтор, Тонг билан учрашув

Табибий хоннинг Ғозий тахаллуси билан тутуриқсиз шеърлар битадиган жияни Саид Ғозий тўрага ишора қилаётган эди. — С. Сиёев, Ёруғлик

от Тутуриқсиз экан-лик, тутуриқсизга хос хусусият, хатти-ҳаракат, қилиқ.

Мақсумжоннинг сўзидан қандайдир бир тутуриқсизликнинг ҳиди буруқсаб турарди. — Ғайратий, Довдираш

Дўқ уриш ва қўполлик ходимнинг ожизлигини, тутуриқсизлигини кўрсатади. — Газетадан

[Онахон] Назокатнинг яна паранжи ёпиниб олиб, ўтакетган тутуриқсизлик қилганини эшитгач, қаттиқ хафа бўлган эди. — А. Мухтор, Опа-сингиллар

сфт. айн. Тутуриқсиз.

Бетутуриқ одам. Бетутуриқ гап.

Саккиз йилдан бери суд аппаратида ишлаб, бундай бетутуриқ айблов фикрини кўрганим ёʻқ. — А. Қаҳҳор, Сароб

н senselessness, foolishness, inanity, vacancy