Изоҳли луғат
· яна 7 та луғатда
от Тешилган жой, ковак, ўйиқ.
Игнанинг тешиги. Буруннинг тешиги. Деворнинг тешиги. Қопнинг тешиги. Қулоқнинг тешиги. Тешик халта. Тешик челак.
Меҳмонхонанинг қатор уч эшиги милтиқ сиғарлик ўлчакда бир неча жойидан тешилди. Милтиқлар у тешикларга қўйилиб, отила бошлади. — С. Айний, Қуллар
Йигитча кўчанинг нариги муюлишидаги эшик ва бўғот тешикларидан гуркураб тутун чиқаётган уйни кўрсатди. — П. Турсун, Ўқитувчи
Яхшиям вақтида бориб қолгани, ёʻқса чодирнинг тешик жойи бор экан, кечаси ёмғир ёққанда, тўппа-тўғри чақалоқнинг устига томаверибди. — С. Анорбоев, Оқсой
- Кирмаган тешиги қолмади ёки кирмаган тешиги ёʻқ Кирмаган, ёʻлиқмаган жойи қолмади; ҳамма жойга кириб, суқилиб юради.
- Тешик мунчоқ ерда қолмас Узоқ вақт турмуш қилмай, уйда ўтириб қолган қиз-жувонлар ҳақида, шунингдек, ҳар бир нарса вақти келганда керак бўлиши, ишлатилиши мумкинлиги ҳақида айтиладиган ибора. Бо худо, тешик мунчоқ ерда қоптими? Сочингнинг мўйича эр. Кимлар олмайди сени?! — Ў. Ҳошимов, Қалбингга қулоқ сол
- Тешик томоқ (ёки жиғилдон) Ҳар қандай овқат талаб киши; хўранда. Қарамоғимда ўн иккита еяр оғиз, тешик томоқ бор.Биз бунақанги тешик жиғилдонларнинг баҳридан ўтмасак бўлмайди. — А. Муҳиддин, Нуқсонбой
- Тешик қулоқ эшитади Қулоғи бор, албатта эшитади, гап албатта етиб боради. У ҳам ишлайди. Бирда бўлмаса бирда эшитади. Тешик қулоқ эмасми? — Ойдин, Мардлик — мангулик