Izohli lugʻat
· yana 6 ta lugʻatda
ot Yupatuvchi narsa, gap, ish-harakat va shu kabilar; tasalli, yupanch. Bu nafosat dargohi
[Muqimiy teatri] oʻsha ogʻir jang va kurash yillari beorom koʻngillarga taskin, yoshli koʻzlarga nur baxsh etgan. — A. Yusupov, Jilokor qoʻllar
Yuragim ranjigan boladay Na ermak, taskinga koʻnadi. — Sh. Rahmon, Yurak qirralari
- Taskin bermoq Yupatuvchi gap-soʻz aytmoq, xatti-harakatlar qilmoq, shu yoʻl bilan yupantirishga, tinchitishga harakat qilmoq. — Tashvish tortma, oshna, — dedi Omontoy doʻstiga taskin berib, — agar Sanobarni Samarqandga chaqirib qoladigan boʻlishsa, senga ham biron chora toparmiz. — K. Yashin, Hamza
- Taskin topmoq Taskin beruvchi narsalar taʼsirida tinchlanmoq. Qanday gap aytsa, Ikromjon amakining koʻngli taskin toparkin? — S. Ahmad, UfqNafisaxon qizini koʻrmagan boʻlsa ham, kampirning gaplaridan haqiqatni anglab, yuragi taskin topdi. — Mirmuhsin, Umidoriqlab, sargʻayib ketgan yuziga rang kirib qolganini koʻrib taskin topdi. — J. Sharipov, Xorazm