от 1. Нарса, ҳодиса ва шу кабилар ҳақида киши онги-хаёлидаги маълумот, билим, тушунча.
Лекин тасаввурим, бари бир, юзаки эди. — Ёшлик
Лейтенант, Султоновнинг батафсил ҳикоясини эшитиб, аниқ тасаввурга келган бўлса ҳам, ўша жойни ўз кўзи билан кўриши керак эди. — Ў. Умарбеков, Ёз ёмғири
Тўғри, кўрмай туриб ёзилган асарлар адабиётимизда кўп. Бунинг учун аввал билим, маҳорат, ўткир тасаввур керак. — Н. Фозилов, Дийдор
Ҳалигача биз — студентлар классик адабиёт намояндаларидан биронтасининг ҳаёти ва ижоди ҳақида мукаммал тасаввурга эга эмасмиз. — Д. Нурий, Осмон устуни
2. Шундай маълумот, тушунча, билим шаклланишининг манбаи сифатидаги онг, хаёл.
Кеча йиғлаб, кўксига бош қўйган Чарос яна тасаввурида жонланди-ю, лабларини қисиб стул суянчиғига елкасини ташлади. — Ў. Ҳошимов, Қалбингга қулоқ сол
Фотоаппарат бир лаҳзада киши тасвирини қандай сақлаб қолса, унинг тасаввури ҳам қизнинг ўша қиёфасини шундай эслаб қолган эди. — Ў. Ҳошимов, Қалбингга қулоқ сол
Эски йилнинг ғоят катта хизматларини бир-бир тасаввурдан ўтказишга одатланганмиз. — Газетадан
3. флс.псхл. Идрок қилинган, ҳис этилган нарса ёки ҳодисанинг киши онгида акс этиши, гавдаланиши.
Тасаввур жараёни.
- Тасаввур қилмоқ (ёки этмоқ) 1. Хаёлда тикламоқ, гавдалантирмоқ. [Ёдгорни] Қорга йиқилиб ётганча, бошини кўтариб турган аламли чеҳрасини тасаввур қилади. — Ў. Ҳошимов, Қалбингга қулоқ солҲамон соғинч ўртайди. Зумрадни ҳарир кўйлакда бағрида тўлғаниб турган ҳолида тасаввур қилади. — С. Сиёев, Отлиқ аёлМаҳкам Гавҳар билан учрашишини тасаввур этганда, совқотиб, гулханни кўз олдига келтирган кишидай, юраги бир орзиқди. — П. Қодиров, Уч илдиз;Замира ҳам ҳали муҳаббат нималигини яхши тасаввур этмасди. — П. Қодиров, Уч илдизНаҳотки бошқарма беш йил, уч йил, борингки, икки йилдан кейин бажарадиган зарур ишларни тасаввур қилолмаса?! — Ўзбекистон қўриқлари