Qidiruv

ot 1. Asir olingan, asirlik ho-latidagi shaxs; asir, bandi.

Oradan yarim soat oʻtar-oʻtmas, haligi turkman yana tutqunlar qoshida paydo boʻldi. — S. Ayniy, Qullar

[Togʻamni] Tutqun qilib olganlardan biri men bilan oʻzlari orasida oʻtgan voqeani u yerdagilarga aytib berdi. — S. Ayniy, Esdaliklar

Farzandim, yolgʻizim, gʻanimlarga tutqun boʻlib qolmagin. — Ravshan

Bundan ortiq jazo berishdan oʻzini tiydi, sabab ustod Qavom boshqa tutqun kishilarning qahrli koʻzlaridan hayiqdi. — Mirmuhsin, Meʼmor

2. koʻchma Erki, huquqi oʻzida boʻlmagan, huquqi birov ixtiyorida boʻlgan.

Seni koʻrdim, yodimga tushdi Yoshligimda koʻrgan bir juvon. Oʻzi suxsur kabi goʻzal edi, Faqat tutqun, bagʻri toʻla qon. — Uygʻun

Biz baliq ovlovchi, tutqun qullarmiz, Ne tutsak, xon tomon darhol yoʻllarmiz. — S. Abdulla

[Zumrad] Shuncha tutqun boʻlishiga qaramasdan, bu qizning qalbiga muhabbat olovi allaqachon tushgan edi. — S. Zunnunova, Gulxan

ot 1. Tutqun holat.

Tutqunlikdan qutqazilgan Gulnorning qushdek uchgisi kelar, lekin boshidan kechgan dahshatli voqealar orqasida oyoqlarida zarracha mador sezmas edi. — Oybek, Tanlangan asarlar

2. Asirlikdagi yoki erksiz, haq-huquqsiz sharoitdagi hayot; asorat.

Sening erking, haqqing oʻgʻirlab, Irodangga zanjir solgan kim? Erk makoni boʻlgan oʻlkada Nechun qol-ding tutqunlikda jim. — Zulfiya

Unda [Sayding qoʻya ber, sayyodda] avtorning tutqunlik va qullikka qarshiligi, erkin hayotga intilish orzulari ifodalangan. — OʻTA