от 1. 1 Кун чиқиш пайти, субҳидам, саҳар, азон.
Баҳор тонги. Тонг пайти. Тонг шабадаси. Тонг қоронғиси.
Хўрозлар ҳам уйғониб, Бердилар тонгдан хабар. Кимларга оғир ботар, Кимни ширин аллалар. — Ғайратий
Тонгга яқин тўплар, машиналар, танклар қаланган, жангчилар қайнаган катта манзилнинг қўйнига кирди. — Ойбек, Қуёш қораймас
Эрта тонгда Нуруллабойда Аравага қўшилди отлар. — Э. Раҳим
2. кўчма Бирор нарсанинг бошланиш пайти, илк даври.
Бахт тонги.
Кунлар келар — қоп-қора уфқ Ол шафақдан бўлар лоларанг, Нажот тонгин очади қуёш. — Ғайратий
- Ёлғон тонг Тонг бўзариб ёришди. Ёлғон тонгда адашиб ёʻлга чиққан булутлар таралди. — Шуҳрат, Шинелли йиллар
- Тонгни тонг оттириб, кунни кун боттириб Эрталабдан кечгача ва кечаси билан тинмай.
- Тунни тонгга уламоқ ёки тонг оттирмоқ Кечаси билан ухламай, бирор иш, хаёл ва шу кабилар билан машғул бўлмоқ. [Низомжон] Кечалари юлдуз тўла осмонга тикилиб, тунни тонгга улаб, қушлар наъмасидан, сувлар шилдирашидан кўнгилга аллақандай юпанч изларди. — С. Аҳмад, УфқТўхта хола чинакчиликдан чиққан пахтасини кечалари йигирар, чарх олдида тонг оттирарди. — И. Раҳим, Чин муҳаббат
- Эрта тонг ёки тонг саҳар Жуда эрта, кун ёришар-ёришмас.
- Тонг отди Қуёш чиқиш пайти яқинлашиб, кун ёришди. Тонг отди. Тепаликларнинг қор босган оппоқ чўққиси, ўрмондаги дарахтларнинг учи қизарди. — А. Қаҳҳор, Олтин юлдуз