Қидирув

от 1. Бирор кимсани ғоят даражада севиб қолган, мафтун бўлган, унинг учун ҳамма нарсадан кечишга тайёр; жўшқин ошиқ.

Шайдо бўлмоқ. Шайдо қилмоқ.

— Парво қилма. Омон-эсон Тошкент борайлик, бировнинг суқи тушмаганидан топиб бераман. Кўрибсанки, у ҳам шайдо, сен ҳам. Мени дуо қилаверасанлар, — деди Суннат. — Шуҳрат, Шинелли йиллар

Шайдоларингиз иккита бўлиб қолибдими? — деди яна кимдир. Яна кулги кўтарилди. — М. Қориев, Ойдин кечалар

Гул юзи уни [

Ғуломжонни] шайдо қилган ўша дамда, хирмонда Ҳаётнинг Мадаминхўжа қизи эканлигини билибмиди? — М. Исмоилий, Фарғона тонг отгунча

2. Бирор нарсага ғоят даражада қизиқадиган, ашаддий ишқибоз.

Футбол шайдоси. Мусиқа шайдоси. Санъат шайдоси.

Акасининг ҳар қандай янгилик шайдоси эканлиги хусусида гапира кетди. — Ўзбекистон қўриқлари

русчастрастно влюблённый, пристрастившийся (к чему-л.)инглизчаpassionate lover, mad with loveфрансузчаamoureux à la folie, amoureux passionnéарабчаمَحْبُوبٌ، مَفْتُونٌ

сфт. 1. айн. Шайдо.

Бир кўришдаёқ у қизга шайдойи бўлди. Хоккей шайдойилари.

2. Бирор кимсани ғоят даражада севиш ёки бирор нарсага ниҳоятда берилиш туфайли ақл-ҳушини ёʻқотган; мажнуннамо, девона.

Ўзингиз ҳам бирор қизни шайдойи бўлиб севганмисиз? — Шукрулло, Жавоҳирлар сандиғи

от Шайдо эканлик, шайдо ҳолат.

Менинг шайдолигим бу нозпарвар дилрабодандир. — Ҳабибий

Шайдолигимни, дилбар, инкор қилмасанг-чи. — Шўхий

Биламан баҳорнинг эрка шамолин, Севаман тупроқнинг уйғониш чоғин, Бўсалар фаслини, ёрнинг жамолин Ҳай-ҳай, шайдолигим тутмасин тағин! — М. Шайхзода

русчастрастная влюбленность, пристрастие (к чему-л.), хоббиинглизчаbeing passionately in love, loving passionately, keennessфрансузчаpassion pour, amour passionnéарабчаحُبٌّ، عِشْقٌ، فِتْنٌ

от Шайдо эканлик, шайдо бўлишлик; шайдолик, мафтунлик.