Qidiruv

ot 1. Narsaning tashqi koʻrinishi, sirtqi qiyofasi, ifodasi.

Uchburchak shaklidagi jism. Ayiq shaklidagi qoya. Shaklini oʻzgartirmoq. Biror shaklga kiritmoq.

Deraza oynalariga turli shaklda qiyiq qogʻozlar yopishtirilgan. — Oybek, Quyosh qoraymas

Doʻkondor ularga qalin kitob shaklida bir nimani tutqazdi. — Oybek, Tanlangan asarlar

2. mat. Maʼlum koʻrinish, qolipdagi narsa, figura.

Geometrik shakllar.

3. fiz. Jismning holati, koʻrinishi.

Muz suvning qattiq shaklidir.

4. Mazmunning ifoda tomoni, tashqi koʻrinishi, ifodalanishi.

Bu ajoyib asar-obidada ming-minglab oʻzbek oilalarining jasorati umumlashma shaklida ifodalangan. — Gazetadan

Yangi davr qoʻshiqlari anʼanaviy shakllar tasvir vositalarisiz tugʻilishi hamda yoyilishi mumkin emas edi, albatta. — OʻTA

5. koʻchma Biror narsani amalga oshirish yoʻsini; usul.

Sen bilan ikkimiz ikki shaklda oʻylaymiz.

Paxta frontidagi ijobiy mehnat xilma-xil shakllar kasb etyapti. — H. Gʻulom, Ishonch

Adabiy aloqalarimiz yangi-yangi shakllar bilan boyidi. — Gazetadan

Tarang trosni va bloklarni mahkamlash uchun moʻljallangan skoba

Voqe boʻlish, amalga oshish yoki ifodalanish usuliga, shakliga koʻra.

Chindan ham istiora shaklan eng siqiq formadagi oʻxshatishni eslatadi. — OʻTA

ot din. Shak kuni marhumlarning arvohlariga bagʻishlab ayollar uchun oʻtkaziladigan kichik maʼraka.

Cholning yostigʻi tagidan topilgan pul uni koʻmib kelishgagina yetdi. Hali bu yoqda uchi, yettisi, yigirmasi, fotihaxonligi, shakligi, iftorligi, ikki hayiti va hokazolar bor. — M. Osim, Tilsiz guvoh

sft. Muayyan shaklga ega boʻlgan, aniq bir shaklli; shaklan.

sft. Muayyan shaklga, koʻrinishga ega boʻlgan.

Unsin tumorcha shaklli hovliga namat yozib, kursida oʻtirib, mahsi tikadi. — Oybek, Tanlangan asarlar

Qirqma shaxmat usulida ishlash uchun tekis va toʻgʻri shaklli uchastkalar ajratilsin! — Gazetadan