Қидирув

от 1. Касалликдан халос бўлиш; соғайиш, тузалиш.

[Шокир ота:] Энди шифони ёлғиз оллодан, халлоқи оламдан сўра. Табибларнинг табиби у. — Ойбек, Танланган асарлар

Аммо эшонга ихлос қўйиб, ундан шифо умид қилиб, касалларни олиб бориб ўқитадилар. — С. Айний, Эсдаликлар

2. Бирор касалликдан халос бўлиш, соғайиш воситаси; даво, дори.

Чортоқ суви кўп дардларнинг шифоси. — С. Абдулла

Э, э, болам, тоғ ҳавосига нима ецин. Турган-битгани шифо-ку. — С. Анорбоев, Оқсой

от Юпқа ип ёки ипак газлама.

Бир кийимлик шифон,

Фарғона ип-газлама комбинати калава ип, шифон, хом сурп ва бошқа маҳсулотларни ишлаб чиқаради. — Газетадан

сфт. 1. айн. Шифобахш.

Бу шифоли сувнинг яхши хусусиятини эшитган ва бу ер-да даволанишни истаганлар тобора кўпаймоқда. — Газетадан

2. Шифоси бор, даволаб бўладиган.

Шифосиз касалга ҳар бир дори-дармон заҳардек амал қилар экан шифоси бўлса-чи, сув ҳам доридек яхши амал қилиб, бемор тузалаверар экан. — Ойбек, Танланган асарлар

от с. т. кам қўлл. айн. Шифокор.

Ҳозир ҳар бир маҳаллада, қишлоқда ўнлаб халқ шифочилари — докторларни кўриш мумкин. — Газетадан

от Умуман, касалликдан халос қилувчи; даволовчи.

Шифокорлар қадимги даврлардаёқ заҳарли моддаларнинг инсон сиҳат-саломатлиги учун нафи борлигини эътироф этганлар. — 3. Эгамбердиев, Заҳарнинг нафи

Қишлоқ врачи ҳам шифокор, ҳам маърифатчи бўлмоғи зарур. — Газетадан

Ёмон шифокорнинг қотилдан фарқи ёʻқ. — Ў. Ҳошимов, Нур борки, соя бор

Иш куни охири-да шифокорлар, ҳамширалар, санитарлар кетиб, навбатчилар келишади. — Газетадан

от Кийим-кечак сақланадиган шкаф, жавон.

Собиржон яна уйга кирди. Шифонерни очиб қараса, фақат ўз кийимлари осилиб турибди. — С. Шамсиева, Сепсиз келин

Шифонер ойнасига қараб, сочини ўриб турган Ҳалима қаҳ-қаҳ уриб кулиб юборди. — Ҳ. Зиёхонова, Қишлоқи