сфт. 1. Иликдан пастроқ оромбахш ҳаво ҳарорати.
Бугун ҳаво салқин.
Тун салқинини ногоҳ ҳис этиб, У уйғониб кетди тонг олди. — Х. Даврон, Болаликнинг овози
Қудуқ тубидан ураётган салқин хуш ёқиб, Отамурод бирпас ўтирган бўлди. — М. Мансуров, Ёмби
2. Сердарахт, серсоя, қуёш нури тушмайдиган, теварак-атрофга нисбатан совуқроқ жой.
Салқин жой.
Кун қизий бошлагач, Аваз эшикка сардўз боғлаб, Полвонёп бўйидаги ўша салқин оромхонага равона бўлди. — С. Сиёев, Ёруғлик
Икки четига сарвлар ва шамшодлар экилган салқин хиёбонлар-да ҳеч кимса кўринмайди. — М. Маҳмудов, Мангу куй излаб
- Салқин тушмоқ Ҳаво ҳарорати пасаймоқ. Бозоров извошга ўтириб, далага жўнади. Даштга кечки салқин тушиб қолган эди. — И. Раҳим, Чин муҳаббат