Поиск

ot 1. Asosan yozish, rasm solish, kitob, jurnal, gazeta va shu kabilar bosish hamda boshqa maqsadlarda ishlatiladigan, yogʻoch, eski-tuski va shu kabilardan tayyorlanadigan yupqa material.

Gazeta qogʻozi. Yozuv qogʻozi. Oʻrov qogʻozi.

Respublikamizda qogʻoz ishlab chiqarish uzoq tarixga ega. — Fan va turmush

Hozir qogʻoz, bosmaxona xarajatlari uchun pul yetishmaydi. — Oybek, Tanlangan asarlar

Baʼzida tap-tayyor misralarni qogʻozga tushirishga shunchalik shoshasanki, oxirida oʻz dastxatingni oʻzing oʻqiyolmasdan qiynalasan. A. — Obidjon, Akang qaragʻay Gulmat

Burchakdagi kitoblar bilan toʻliq shkaf ustida oʻrogʻliq chertyoj qogʻozlari yotar edi. — Oʻ. Ho-shimov, Qalbingga quloq sol

Najmiddin Buxoriy ham qogʻozlarni yozib, loyihani, madrasaning baʼzi boʻlak tasvirlarini koʻzdan kechirardi. — Mirmuhsin, Meʼmor

2. Maʼlum bir narsa, ish, voqea-hodisa va shu kabilarni qayd etuvchi matn bitilgan va qonuniy kuchga ega boʻlgan qogʻoz; rasmiy hujjat.

Salimboyvachcha qogʻozni qoʻlda mahkam siqib, gʻurur bilan davom etdi: — Bu narsa qoʻlimdami, har bir ishni qilaman, hech kim biron aybni boʻynimga qoʻya olmaydi. Bu xat jinoyatni savobga aylantiradi. Har yerda, har kim oldida meni oqlaydi. — Oybek, Tanlangan asarlar

Biroq koʻrilgan choralar haqida yuqoriga qogʻoz kerak edi. — Gazetadan

Mana bu qogʻozga Madrasa mullabachchalari, domlalar, mudarris, boylar, yurt uluslari imzo chekkanlar. — K. Yashin, Hamza

3. Qogʻozdan ishlangan pul, qogʻoz pul.

Karmonidan besh soʻmlik qogʻoz olib, sandalga qoʻydi. — Oybek, Tanlangan asarlar

— Ha, aylanay, ohori sinmagan qogʻozlar hammaniyam hushini qochiradi. Qachon olib kelibdi? — Ho-zir bexabar 175 soʻm olib kelgan ekan. — Hamza, Paranji sirlari

4. (oʻrin-payt kelishigi shaklida — qogʻozda) Faqat qogʻoz, rasmiy hujjatlardagina qayd etilib, amalda ijrosi yoʻq ish-faoliyatlarga nisbatan qoʻllanadi; shunday holat, ahvolni qayd etadi.

Koʻp boʻlimlar hozirgacha vazifalari nimadan iboratligini bilmaydi, tarqoq, koʻp hollarda qogʻozda faoliyat koʻrsatadi. — Gazetadan

5. s. t. Varaq, bet.

Maqola ikki qogʻozdan oshmasin.

Soʻnggi vaqtlarda muxbirlar, yuborgan xabarlarining birinchi qogʻozi ustiga gonorarli, deb yoza boshladilar. — A. Qahhor, Sarob

Amaliy ish oʻrniga keraksiz yozishmalar olib borish, qarorlar chiqarish bilan ovora boʻladigan kishi; rasmiyatchi.RESMİYETÇİ

ot 1. Amalda emas, qogʻozdagina ish bitirish, qogʻozboz kabi ish tutish.

Hurmatli Toʻqliyev va Qorayev oʻrtoqlar! Qogʻozbozlik bilan plan sira yuz boʻlmaydi. — Mushtum

Bu ministrliklarning ayrim shoxobchalarida asosiy ishdan koʻra beparvolik, qogʻozbozlik, uyushqoqsizlik avj olib ketgan. — Mushtum

2. Yozish-chizish, qogʻoz-hujjat va shu kabilar bilan bogʻliq ishlar.

U kishi qaytguncha qogʻozbozlik ishlarini oʻzing toʻgʻrilab turasan. — O. Yoqubov, Izlayman

[Mirzajon] Kabinetda oʻtirib, qogʻozbozlik bilan shugʻullanishga oʻrganmagan. — K. Rahimov, Birinchi odim

— Yoʻq, yoʻq, qoʻzgʻalma. Bugun qogʻoz-bozlikka sira toqatim yoʻq! — dedi Amina opa Halimaga. — O. Yoqubov, Bir felyeton qissasi

3. Yoz-yoz ishi (kimsa haqida tuhmat, gʻiybat va shu kabilarni yozish).

Shu Qori hozir gazeta xodimining ham payiga tushib, qogʻozbozlik qilib yuribdi. — Mirmuhsin, Musicha odam

Бумажные деньги

official paper

русскийгербовая бумагаанглийскийstamped paper, letter head