sft. 1. Juda qizil, choʻgʻday qizil.
Qip-qizil qon. Qip-qizil olma. Qip-qizil gilam.
Jarning har ikkala yon-boshini qip-qizil lolalar gilamdek qoplangan. — H. Gʻulom, Mashʼal
Eshikni ikki yuzi qip-qizil bir juvon ochdi. — Shuhrat, Shinelli yillar
2. koʻchma S. t. Butunlay, mutlaqo, gʻirt. Qip-qizil savodsiz. Qip-qizil tuhmat.
Dehqon qip-qizil yalangʻoch, ahvoli tang. — Oybek, Tanlangan asarlar
Qip-qizil jinni, ovsar ekansan! — Hamza, Paranji sirlari
Bu gapni yurt eshitsa, sizni qip-qizil oʻgʻri deydi. — H. Gʻulom, Mashʼal
Dehqon karamni shoshib pulladi-da, mashinaga chopdi. Kelsa, Fozil qip-qizil mast oʻtiribdi. — S. Zunnunova, Odamlar orasida