ot 1. Yupqa namatdan qilingan bosh kiyimi.
Baxmal jiyakli oq qalpoq.
U egniga brezent chakmon, boshiga oq na-mat qalpoq kiygan. — H. Nazir, Soʻnmas chaqmoqlar
2. Har qanday toʻqima yoki matodan tikilgan bosh kiyim.
Bolalar qalpogʻi. Poxol qalpoq.
Oshpaz oq qalpogʻini peshonasidan yuqori koʻtardi. — Shuhrat, Shinelli yillar
Tamanno ertasiga magazindan shalvar, oftobdan yaxshi saqlaydigan oq qalpoq sotib oldi. — Mirmuhsin, Qumri va Tamanno
Darvoza oldida boshiga uchli qalpoq kiygan davangirday qalandar turardi. — S. Siyoyev, Yorugʻlik
3. s. t. Kaska.
Mis qalpoq. Poʻlat qalpoq.
Asqar polvon hansirab va boshidan kaskasini olib, yerga toʻntardi: manglayni ezib yubordi bu choʻyan qalpoq! — Oybek, Quyosh qoraymas
4. shv. Doʻppi, kallapoʻsh.
5. Narsalar ustini qoplab, berkitib turadigan soyabon yoki qopqoq.
Shipga osigʻliq qirqinchi chiroqning qalpogʻi uy devorlarining tepa yogʻiga choʻziq soya solgan. — H. Gʻulom, Mashʼal
6. Biror narsaning qalpoqli qismi, kallagi; kallak.
Mix qalpogʻi. Zamburugʻ qalpogʻi.
- Qalpoq qilib kiymoq Biror narsani qoyil qilib bajaruvchi, biror ish-faoliyatning juda ustasi boʻlgan shaxsga nisbatan qoʻllanadi. — Ishni qalpoq qilib kiyib qoʻyamiz, — deya javob qaytardik. — X. Toʻxtaboyev, Shirin qovunlar mamlakatiOʻrtoq Soliboyev koʻzboʻyamachilikni qalpoq qilib kiyib yurgan kunlardan birida miting boʻlib qoldi. — Mushtum