ot 1. Chumchuqsimonlar turkumining bir oilasini tashkil etadigan, qanoti ingichka va uzun, juda tez uchadigan, qora-ola kichkina qushcha.
Tuya qaldirgʻoch. Shahar qaldirgʻochi. Togʻ qaldirgʻochi.
Bir necha qaldirgʻoch Salorning oqishi boʻylab uchar va uchgan koʻyi valfajr oʻqir edilar. — A. Qodiriy, Oʻtgan kunlar
2. koʻchma Biror narsaning paydo yoki sodir boʻlish belgisi; boshlab beruvchi, darakchi.
Ha, kampir, sevinib qoldingizmi? Eshitib xursand boʻldim. Rustam qaldirgʻochini yuboribdi, ajabmas, ketidan oʻzi ham qanot qoqib kelib qolsa. — V. Gʻofurov, Vafodor
Chegaradosh yerlarda Jizzax choʻlini qaldirgʻoch xoʻjaligi tashkil topdi. — Oʻzbekiston qoʻriqlari
Jamoamizda yangi va ulugʻ ishning qaldirgʻochlari boʻlasiz. — Sh. Gʻulomov, Yorqin ufqlar
Hojiakbar Shayxovni oʻzbek ilmiy-fantastik adabiyotining qaldirgʻochlaridan biri, deb atasa boʻladi. — Gazetadan