Қидирув

от 1. Тўй, зиёфат ва шу кабилар муносабати билан ёʻқлаб келган (борган) шахс.

Меҳмон бўлмоқ. Меҳмон қилмоқ. Меҳмон(га) айтмоқ.

Қутидор меҳмонларни ихлос ва самимият билан кутар, зиёфат қуюқ-суюқлари билан тўла-тўкис давом этар эди. — А. Қодирий, Ўтган кунлар

2. Мажлис, йиғилиш, кенгаш ва шу кабиларга четдан чақирилган шахс.

Сессияга чақирилган депутат ва меҳмонлар. Қурултойда меҳмон сифатида қатнашмоқ.

Фестивалнинг қатнашчилари ва меҳмонлари орасида таниқли давлат арбоблари истеъдодли ижодкор ёшлар бор. — Газетадан

3. Четдан ташриф буюрган, вақтинчалик қўнган шахс.

Эшикни очиши билан: — Отдан қўнингиз. меҳмон. — деди [уста Алим] отни Отабек қўлидан олгач. — А. Қодирий, Ўтган кунлар

сфт. Меҳмони бўлган, меҳмон кутаётган киши; мезбон.

сфт. Меҳмонни, меҳмон кутишни, меҳмон чақиришни яхши кўрадиган; меҳмонсевар.

Меҳмондўст ўзбек халқи.

Кенг феъл, одамшаванда, меҳмондўст, танти фарғоналиклар Аҳмадни мафтун этди. — Ф. Мусажонов, Ҳиммат

Тошкент ўзининг меҳмондўстлиги, халқаро анжуманлар шаҳрига айланиб қолганлиги билан жаҳон халқлари ўртасида дўстликни мустаҳкамлаш ишига катта ҳисса қўшмоқ-да. — Газетадан

hospitable.

от 1. Меҳмон кутиладиган уй.

[Сафар бўзчи] Бир неча марта келиб, Анварнинг меҳмонхонасига ўрганиб қолган эди. — А. Қодирий, Меҳробдан чаён

Табиб, Меъмор меҳмонхонага тайёрланган дастурхон атрофига ўтиришди. — Мирмуҳсин, Меъмор.

2. Мусофирларнинг вақтинча туриши учун жиҳозланган хоналардан иборат бино; мусофирхона.

Шаҳар меҳмонхонаси. Меҳмон-хонада турмоқ.

Меҳмонхонанинг еттинчи қаватидаги ресторандан оркестр садоси, мастона қийқириқлар эшитилади. — Ў. Ҳошимов, Қалбингга қулоқ сол

сфт. айн. Меҳмондўст.

Феъли кенг, сўзи бир бизнинг тоғликлар. Кўп меҳмоннавоздир бизнинг тоғликлар. — Х. Салоҳ, Тоғ — менинг ватаним

Ўзи ҳам, хотини ҳам ғоят меҳмоннавоз. — Шарқ юлдузи