Қидирув

сфт. 1. Бузилиш, ўзгариш кабиларга чидамлилик даражаси юқори: пухта, мустаҳкам.

Маҳкам иморат. Эшикни маҳкам беркитмоқ.

Ғазал тўлалигича ўз қалбига кўчиб, хотирасида маҳкам ўрнашиб қолганидан, ўзида ёʻқ севиниб, оғзининг таноби қочди. — К. Яшин, Ҳамза

2. кўчма Турғун, ўзгармас, саботли.

Маҳкам ирода.

Ғуломжон фикрида, қарорида маҳкам эди. — М. Исмоилий, Фарғона тонг отгунча.

3. Зўр куч билан, қаттиқ.

Кўлни маҳкам қисмоқ. Маҳкам ушламоқ.

Югуриб бориб, маҳкам қучоқлаб олди. — Ў. Ҳошимов, Қалбингга қулоқ сол

4. Маҳкам (эркаклар исми).

от 1. тар. Ҳукм қилувчи, ҳукм чиқарувчи идора; суд.

Ҳоким маҳкамаси. Полиция маҳкамаси.

Ҳамма мол ва мулки билан қутидор Отабекка кафил бўлди ва қуш-бегининг ҳақига дуо қилиб, учовлари маҳкамадан биргалашиб чиқдилар. — А. Қодирий, Ўтган кунлар

2. Умуман, бошқарма, идора.

Маҳалла фуқаролари у муттаҳамдан шикоятланиб, қозихона ва бошқа маҳкамаларга аризалар топширишларига қарамай, ҳар сайловдан Олимхон сип-силлиқ чиқади. — Ойбек, Танланган асарлар

н stronghold

фл. Маҳкам қилмоқ, мустаҳкамламоқ.

Гулнор очилган токларни иш-комга кўтариб, тол пўстлоғи билан маҳкамлаб боғлайди. — Ойбек, Танланган асарлар

фл. Маҳкамланмоқ феълининг мажҳул нисбати.

фл. Маҳкамламоқ феълининг орттирма нисбати.