Qidiruv

sft. Oʻz xohish-ixtiyoridan tashqari, kimningdir amri, zoʻri bilan yoki biror narsaning taqozosi tufayli qandaydir bir ishni qilishi shart holatli.

Tengdoshlari ichida eng peshqadam hisoblangan Sherali ham geologiya tarixiga oid masalalarda u bilan hisoblashib, ehtiyotroq boʻlib gapirishga majbur edi. — S. Karomatov, Oltin qum

rvsh. Majbur boʻlib yoki majbur qilib; majburiyat orqasida.

Arabboy koʻpchilik kulgisidan bir oz izza tortdi. Lekin u baʼzi birovlarday umum kulgisiga majburan taslim boʻlib iljaymadi. — P. Tursun, Oʻqituvchi

— Faraz qilaylik, men seni majburan kuyovga berdim, — dedi Salimxon. — A. Qahhor, Sarob

sft. Xoh ixtiyoriy, xoh ixtiyorsiz bajarilishi, amalga oshirilishi shart boʻlgan.

Majburiy taʼlim. Majburiy xizmat.

Tushlik oʻtib, ikki soatlik majburiy hordiq tamom boʻlgandan keyin kasalxona gavjum boʻlib ketadi. — Oʻ. Hoshimov, Nur borki, soya bor

ot 1. Gʻayriixtiyoriy vazifa, burch yoki biror majburiy ish, holat, ehtiyoj.

Toshkent joʻnash uchun oʻzida majburiyat his etar., boshqa chora yoʻq edi. — A. Qodiriy, Oʻtgan kunlar

Xaloyiq ham sekin-asta tarqaldi — hokim kelmagan, oftobda sargʻayishning majburiyati qolmagan edi. — M. Ismoiliy, Fargʻona tong otguncha.

2. Mehnat ahllarining biror ishni bajarish uchun bergan qatʼiy vaʼdasi.

Zveno boʻyicha majburiyat har gektaridan oʻn bir sentner edi, hozir oʻn toʻrt berdik. — A. Qahhor, Qoʻshchinor chiroqlari

Ikki brigada musobaqalashib, yuqori majburiyatlar olgan. — Oʻzbekiston qoʻriqlari

compulsion, constraint, coercion

fl. Majburiy tarzda, zoʻrlab yoʻllamoq, zoʻrlamoq.

Aniqrogʻi, ularning real ehtiyoji bormi, yoʻqmi, bari bir, majburlab tiqishtirardilar. — Mushtum