Qidiruv

ot Kayf-safo, maishat bilan fahsh ishlar qilish.

Yana yangi ovqatlar, ichimliklar, laganchalarda anor va olmalar keldi. Ishrat qizib ketdi. — Oybek, Tanlangan asarlar

Ishrat kechalarining birida Hoji xola xoʻjasiga soʻnggi qadahni tutdi. — M. Ismoiliy, Fargʻona tong otguncha.

Bechora kanizak hukmdorning bir kechalik ishrati uchun qurbon boʻlib ketdi. — Mirmuhsin, Meʼmor

Muhabbat birla chekkan gʻurbating rohat bilan tengdir. Muhabbatsiz va lekin ishrating kulfat bilan tengdir. — E. Vohidov, Muhabbatnoma

ot ayn. Ishratxona.

Tanishganlar qochish tadorigini koʻrisharkan, kepakchi boy, tanish ishratgohga burilar yoʻldan. — S. Akbariy

ot Ishrat qilinadigan joy, xona; ishratgoh.

Asfandiyorxon ishratxonadan oʻtib, haramxonaning hovlisiga chiqdi va katta hovuz yonidan oʻtdi. — J. Sharipov, Xorazm

Maxfiy ishratxona tokchalaridagi baʼzi shamlar oʻchgan — O. Yoqubov, Koʻhna dunyo

sft. Aysh-ishratga, kayf-safoga berilgan, ishratni sevuvchi (kishi).

ot Davomli yoki surunkali kayf-safo, mayxoʻrlik, ishrat.

Aysh-ishrat qilmoq.

Butun boyligini aysh-ishrat, fahsh, buzuqlik olamida sovurib nihoyat taqdir uni zavq-safo taxtidan uning iflos ostonasiga otgan edi. — Oybek, Tanlangan asarlar