und. s. 1. Murojaat, chaqiriq paytida ishlatiladigan nido; ey, hey.
He, bormisiz, birodar!
— He, taqsir! — dedi afandi. — Siz gap boshlaganingizdan buyon ogʻzimni shuncha ochdimki, u yirilib ketadigan darajaga yetdi. — Latifalar
2. Norozilik, noxushlik maʼnosini ifodalaydi.
He, nimasini soʻraysiz, afandi! Ishlar chatoq! — Latifalar
He, bu urush boshga bitgan balo boʻldi-ku. — Oybek, Tanlangan asarlar
3. Jirkanish, nafrat bildirishda, qargʻaganda ishlatiladi.
He, laʼnati! He, basharang qursin!
- He yoʻq, be yoʻq Dabdurustdan, hech asossiz, sababsiz, surishtirmasdan. Shaharga tushgan edim, boyvachcha, mahallamda, he yoʻq, be yoʻq, oʻgʻlim Abdusamadni askarlikka moʻljallab qoʻyishibdi. — Oybek, Tanlangan asarlar