Қидирув

от тар. Бирор ҳудуд ёки мамлакатнинг ҳуқуқи чекланмаган ҳокими; хон, подшо.

Суғд мамлакатининг ҳукмдори. Қабила ҳукмдорининг мақбараси.

Жаллод айтар: — Амр қилди ҳукмдор, Булар учун тиклангандир тилла дор. — Эрали ва Шерали

Эрон ҳукмдори Нодиршоҳ Ҳиндистоннинг ғарбига ҳужум қилди. — С. Кароматов, Олтин қум

Тангада Қорахонийлар сулоласининг ўша даврдаги ҳукмдорлари кўрсатилган. — Фан ва турмуш

от Ҳукмдор ҳолати, ҳукмдор эканлик.

Ҳукмдорлик удумига биноан, унинг фақат баъзи тунларни хотини билан ўтказиши расм-русумга хилоф ҳисобланмас, Бобурнинг отаси Умаршайх мирзо ҳам шундай қиларди. — П. Қодиров, Юлдузли тунлар

Темурийзодалар ўзларига ён босган зотларнинг бошидан тилло сочарди-ю, аммо уларнинг ҳукмдорлигига қиттаккина мункир келган кимсани асло кечирмасдилар — Мирмуҳсин, Меъмор