Qidiruv

ot Ona qornida 2-oyning oxiridan (9-hafta) boshlab tugʻilish vaqtigacha (40-hafta) rivojlanayotgan pusht (embrion).

Homilaning moʻjizali rivojlanish jarayoni biologlar oldida turgan eng murakkab muammolardan biridir. — Fan va turmush

Alpomish ketgan vaqtda Barchinning boʻyida homila, gumona qolgan edi. — Alpomish

Bobur homilaning necha oylik boʻlganini bilgisi keldi, ammo roʻyirost soʻrashga tili bormay, gapni aylantirdi. — P. Qodirov, Yulduzli tunlar

sft. ayn. Homilador.

sft. Qornida homilasi bor; ikkiqat.

Gulnor birdan choʻchib ketdi, qornida bir nimaning ancha sezilarli ravishda urganini tuydi Darrov angladi — u homilador! — Oybek, Tanlangan asarlar

ot Qornida homilasi bor holat; urugʻlangan tuxum hujayraning ona organizmida rivojlanib, yetuk homilaga aylanishidan iborat fiziologik jarayon.

Birinchi marta yuzlariga dogʻ oralab, homiladorlikning nishonasi sezilgan kezlarda eshikdan kirardi-yu, Valini mahkam quchoqlab, yuzlaridan choʻpillatib oʻpardi. — R. Fayziy, Shohi darparda

ruschaабортinglizchaperformance of abortion

ruschaбеременные женщиныinglizchapregnant women