Қидирув

сфт. 1. Шахсан ҳақи ёʻқ.

югуриб бориб, қўлидан тутгиси, мен сени соғиниб кетдим, ахир дегиси келар, аммо бундай қилишга ўзини ҳақсиз, деб билар эди. Ў. — Ҳошимов, Қалбингга қулоқ сол

2. кам қўлл. Ҳақ тўламай, текин.

Мамлакатни обод қилиш баҳонаси билан 1824 йилда Қўқон косибларини ҳақсиз — муфт ишлатиб, янги раста қурдирди. — А. Қодирий, Меҳробдан чаён.

3. кам қўлл. айн. Ноҳақ.

Худо ҳақни ноҳақ қилади, бечора ёш йигитнинг ҳақсиз қони тўкилади. — А. Қодирий, Ўтган кунлар

Сўйла энди, кўп ҳақсиз Оққан ёшлардан — Ғайратий

— Ҳақсиз жазо! — деб Отабек кулимсираб қўйди. — А. Қодирий, Ўтган кунлар

4. эск. Бирор нарса қилиш ҳақ-ҳуқуқидан маҳрум бўлган, маҳрум этилган.

Бир вақт шўрога сайлов олдида ҳақсизлар рўйхати қишлоқ кўчаларига ёпиштириб қўйилади. — А. Қодирий, Обид кетмон

Бир кун келиб, юпун, ҳақсиз қора халқ бошини тик кўтаришига, кўзларини ишқалаб, асрий уйқудан уйғонишига умид боғлади. — С. Сиёев, Аваз

от 1. Ҳақ-ҳуқуқдан маҳрум этилган, ҳақ-ҳуқуқ топталган ҳолат.

Бу қандай кун, бу қандай ҳақсизликки, сенинг инон-ихтиёрингга ҳам чанг солиб, сенинг номингдан бошқаларнинг никоҳига ҳам розилик бераверишади. — К. Яшин, Ҳамза

Менинг бошимга ҳақсизликлар, ҳақоратлар, хўрликлар тушгандан кейин оқ-қорани анча танийдиган бўлдим. — М. Исмоилий, Фарғона тонг отгунча.

2. Ноҳақ иш, хатти-ҳаракат; ноҳақлик.

Подшонинг мардикор олиш тўғрисидаги фармони устида сўз қўзғаларкан, халқ ҳар хил жабр, зулм, ҳақсизликлардан аччиқ шикоят қилар эди. — Ойбек, Танланган асарлар

Жаҳон тинчлигига хавф солса биров, Ҳақсизлик юз берса, қололмайман жим. — Уйғун, Ҳаёт чақиради

русчабесправиеинглизчаlawlessness